‘మీ పథకాలు మాకొద్దు’

బుక్‌లెట్‌ తీసుకునేందుకు నిరాకరిస్తున్న తెదేపా నాయకుడు శివయ్య

తాడిమర్రి, న్యూస్‌టుడే: ‘మీ ప్రభుత్వం అమలు చేస్తున్న సంక్షేమ పథకాలు మాకు అవసరం లేదు’ అని ఓ నాయకుడు అధికార పార్టీ ఎమ్మెల్యేకు కరాఖండీగా చెప్పేశారు. తాడిమర్రి మండలంలోని ఎం.అగ్రహారం గ్రామంలో శుక్రవారం ఈ సంఘటన చోటు చేసుకుంది. ఎమ్మెల్యే కేతిరెడ్డి వెంకటరామిరెడ్డి వైకాపా నాయకులతో కలిసి ఎం.అగ్రహారంలో గుడ్‌మార్నింగ్‌ కార్యక్రమాన్ని నిర్వహించారు. ఈ సందర్భంగా ఎమ్మెల్యే ఇంటింటా తిరుగుతూ గ్రామంలోని తెదేపా నాయకుడు శివయ్య  ఇంటికి వెళ్లారు. వైకాపా ప్రభుత్వం రూపొందించిన పథకాల బుక్‌లెట్‌ను ఇస్తుండగా తీసుకునేందుకు నిరాకరించారు. దీంతో ఎమ్మెల్యే వెంటనే గ్రామంలోని వాలంటీరును పిలిచి ఆ కుటుంబానికి ప్రభుత్వ పథకాలు నిలిపివేయాలని ఆదేశించారు. ఈ సంఘటన సామాజిక మాధ్యమాల్లో వైరల్‌గా మారింది.