నేడు జిల్లాకు తెదేపా అధినేత రాక

సత్యవేడు సభలో ప్రసంగించనున్న చంద్రబాబు

ఈనాడు డిజిటల్‌, తిరుపతి: తెదేపా అధినేత నారా చంద్రబాబునాయుడు జిల్లాలో శనివారం పర్యటించనున్నారు. ఉదయం 10:40 గంటలకు గూడూరులోని వరగాలి క్రాస్‌రోడ్డు సమీపంలోని హెలిపాడ్‌ చేరుకుంటారు. ఆపై రోడ్డు మార్గంలో గూడూరు సీఆర్‌ కల్యాణ మండపం చేరుకొని ఉదయం 11 నుంచి మధ్యాహ్నం ఒంటిగంట వరకు మహిళలతో సమావేశమవుతారు. అనంతరం హెలికాప్టర్‌లో నెల్లూరు జిల్లాలోని పొదలకూరు చేరుకుని అక్కడి సభలో పాల్గొంటారు. సాయంత్రం 5:20 గంటలకు సత్యవేడు చేరుకుంటారు. స్థానిక క్లాక్‌ టవర్‌ వద్ద సాయంత్రం 6 నుంచి రాత్రి 7:30 గంటల వరకు నిర్వహించే సభలో ప్రసంగిస్తారు. అనంతరం రోడ్డు మార్గంలో రేణిగుంట చేరుకొని విమానంలో విజయవాడ బయలుదేరుతారు.