లక్ష్యం కనుమరుగు

సీతానగరం మండలం వంగలపూడిలోని కల్లూరి రామకృష్ణ పరమహంస జడ్పీ ఉన్నత పాఠశాలలో బాలికలు, ఉపాధ్యాయినులు కాలకృత్యాలు తీర్చుకునేందుకు తీవ్ర అవస్థలు ఎదుర్కొంటున్నారు. పాఠశాలలో 242 మంది విద్యార్థులతో పాటు 11 మంది ఉపాధ్యాయులు ఉండగా వీరిలో 145 మంది బాలికలు, ఎనిమిది మంది ఉపాధ్యాయినులు ఉన్నారు. వీరి కోసం నిర్మించిన నాలుగు మరుగుదొడ్లలో మూడు మూలకు చేరడంతో ఒక్కటే ఉపయోగంలో ఉంది. బాలికలు, ఉపాధ్యాయినుల కోసం పాఠశాల ఆవరణలో ఓ చోట నాలుగువైపులా బరకాలు అడ్డుగా కట్టి ఆ స్థలాన్ని అవసరానికి వాడుతున్నారు. బాలురతో పాటు ఉపాధ్యాయులు రోడ్లను ఆశ్రయిస్తున్నారు. నాడు-నేడు కార్యక్రమంలో అభివృద్ధి పనులకు రూ.1.35 కోట్లు కేటాయించి రెండు విడతలుగా రూ.48 లక్షలు మంజూరు చేయడంతో ఆ నిధులతో చేపట్టిన పనులు అసంపూర్ణంగా మిగిలాయి. హెచ్‌ఎం ముత్యాలును వివరణ కోరగా బాలికల కోసం మరుగుదొడ్ల నిర్మాణం ముందుగా పూర్తిచేసేలా పనులు చేయిస్తున్నామని చెప్పారు.

న్యూస్‌టుడే, సీతానగరం