షాపూర్‌నగర్‌ డాక్టర్‌ ఎంపీ అయ్యారు

వివిధ ప్రాంతాల నుంచి వలస వచ్చిన వారిని అక్కున చేర్చుకున్న ఘనత కుత్బుల్లాపూర్‌ నియోజకవర్గ ప్రజలది. ఉమ్మడి వరంగల్‌ జిల్లా హన్మకొండ వేలేరు గ్రామానికి చెందిన డాక్టర్‌  విజయరామారావు 1979లో షాపూర్‌నగర్‌కు వచ్చారు. షాపూర్‌ క్లినిక్‌ పేరుతో ఆసుపత్రి ఏర్పాటు చేసి రాణించారు. అదే సమయంలో తెదేపాలో పనిచేసి 1984లో సిద్దిపేట పార్లమెంటు నుంచి బరిలోకి దిగి విజయం సాధించారు. 1994 అసెంబ్లీ ఎన్నికల్లో గజ్వేల్‌ నుంచి తెదేపా అభ్యర్థిగా గెలుపొందారు. 2004 అసెంబ్లీ ఎన్నికల్లో స్టేషన్‌ఘన్‌పూర్‌ నుంచి తెరాస అభ్యర్థిగా గెలిచారు. వైఎస్‌ హయాంలో మంత్రిగా పనిచేశారు. ప్రస్తుత అసెంబ్లీ ఎన్నికల్లో స్టేషన్‌ఘన్‌పూర్‌ నుంచి భాజపా అభ్యర్థిగా బరిలో నిలిచారు.

న్యూస్‌టుడే, కుత్బుల్లాపూర్‌