పీఎండీఎస్‌ పంటల పరిశీలన

కొత్తపల్లె వద్ద రైతులకు సూచనలిస్తున్న డీపీఎం నాగరాజు

చిన్నమండెం : మండల పరిధిలో సాగులో ఉన్న పీఎండీఎస్‌ పంటలను ప్రకృతి వ్యవసాయ శాఖ డీపీఎం నాగరాజు శుక్రవారం పరిశీలించారు. దిన్నెమీదపల్లె, బాపూజీనగర్‌కాలనీ, గంగిరెడ్డిగారిపల్లె, కొత్తపేట గ్రామాల్లోని పంటలను పరిశీలించి రైతులకు సూచనలిచ్చారు. ఈ పంటల సాగుతో ఏడాది పొడవునా భూమిపై పచ్చదనం ఉంటుందని, ఆ దిశగా ఉండేందుకు తీసుకోవాల్సిన చర్యలను వివరించారు. వేసవిలోనూ పంటలను కాపాడుకొనేందుకు ద్రవ జీవామృతం పిచికారీ చేయాలన్నారు. చిన్నమండెం ఆదర్శ పాఠశాలలో సాగు చేసిన సూర్య మండలాన్ని పరిశీలించారు. కార్యక్రమంలో ఎస్డీఏలు నారాయణ, యశోదమ్మ, ఇతర సిబ్బంది పాల్గొన్నారు.