బాలికా దినోత్సవం పోస్టర్‌ ఆవిష్కరణ

కరీంనగర్‌ కలెక్టరేట్‌: జాతీయ బాలికా దినోత్సవ వారోత్సవాలకు సంబంధించిన పోస్టర్‌ను జిల్లా కలెక్టర్‌ ఆర్‌వీ కర్ణన్‌, అడిషనల్‌ కలెక్టర్‌ గరిమా అగర్వాల్‌ కలెక్టర్‌ క్యాంపు ఆఫీస్‌లో గురువారం ఆవిష్కరించారు. ఈ సందర్భంగా కలెక్టర్‌ మాట్లాడుతూ.. ఈ నెల 25 వరకు మహిళాభివృద్ధి, శిశు సంక్షేమ శాఖ ఆధ్వర్యంలో జాతీయ బాలికా దినోత్సవ వారోత్సవాలు నిర్వహిస్తామని తెలిపారు. అవగాహన కార్యక్రమాల ద్వారా బాలికా విద్య అవసరాన్ని గ్రామాల్లో చాటుతామని పేర్కొన్నారు. కార్యక్రమంలో బాలల పరిరక్షణ కమిటీ ఛైర్‌పర్సన్‌ ధనలక్ష్మి, జిల్లా సంక్షేమ అధికారి సబిత, 'మిషన్ శక్తి' మహిళా సంక్షేమ అధికారి శ్రీలత, కోఆర్డినేటర్లు కవిత, శైలజ పాల్గొన్నారు.