కొవిడ్‌ కేంద్రంలో వసతులపై ఆరా

డ్రగ్స్‌ స్టోర్‌లో రికార్డులు పరిశీలిస్తున్న ఆర్డీవో ఖాజావలి

మచిలీపట్నం(కోనేరుసెంటరు), న్యూస్‌టుడే: జిల్లా ఆస్పత్రిలోని కొవిడ్‌ కేర్‌ కేంద్రాన్ని ఆర్డీవో ఖాజావలి ఆదివారం సందర్శించారు. కొవిడ్‌ డెస్క్‌ పనితీరును పరిశీలించారు. చిలకలపూడిలోని వరలక్ష్మి పాలిటెక్నిక్‌ కళాశాలలో ఉన్న కేంద్రానికి వెళ్లి అక్కడి వసతులపై ఆరా తీశారు. కరోనా రోగులకు ఎలాటి ఇబ్బందులు లేకుండా వైద్యం అందించాలని వైద్యులకు సూచించారు. అనంతరం సెంట్రల్‌ డ్రగ్స్‌స్టోర్స్‌లో మందుల లభ్యతను తనిఖీ చేశారు. రికార్డులను పరిశీలించి కొవిడ్‌ నేపథ్యంలో అవసరమైన మందులను అన్ని ఆస్పత్రులకు సరఫరా చేయాలని సూచించారు. ఏవైనా ఇబ్బందులుంటే తక్షణం ఉన్నతాధికారుల దృష్టికి తీసురావాలని చెప్పారు.