ఆలూరు నియోజకవర్గంలో తెదేపా జెండా ఎగరవేస్తాం

ఆస్పరి: ఆలూరు నియోజకవర్గంలో తెదేపా ఎమ్మెల్యే అభ్యర్థి వీరభద్ర గౌడ్‌ను గెలిపించి తెదేపా జెండా ఎగరవేస్తామని ఆలూరు మార్కెట్ యార్డ్ మాజీ ఉపాధ్యక్షులు సాలి సాహెబ్, మండల తెదేపా నాయకులు సతీష్ కుమార్ అన్నారు. శుక్రవారం తెదేపా అదిష్ఠానం ఆలూరు నియోజకవర్గం ఎమ్మెల్యే టికెట్‌ వీరభద్రగౌడ్‌కు కేటాయించడంతో ఆస్పరిలో అంబేద్కర్ కూడలి బస్టాండ్ వద్ద బాణాసంచా కాల్చి నంబరాలు చేసుకున్నారు. ఈ సందర్భంగా వారు మాట్లాడుతూ.. వీరభద్ర గౌడ్ గెలుపు కోసం తెదేపా నాయకులందరూ కలిసికట్టుగా పనిచేస్తామన్నారు. ఆలూరు నియోజకవర్గం లో తెదేపా జెండా ఎగరవేయడమే తమ లక్ష్యం అన్నారు. కార్యక్రమంలో మారేష్, వీరేష్, అశోక్ కుమార్, హరి, బాలకృష్ణ, భాస్కర్, రవి, లోకేష్, మహేష్, సాగర్, తదితరులు పాల్గొన్నారు.