ఓటు వినియోగంతోనే దృఢమైన ప్రజాస్వామ్యం

నంద్యాల పట్టణం, న్యూస్‌టుడే : ప్రతిఒక్కరు ఓటుహక్కును సద్వినియోగం చేసుకున్నప్పుడే ప్రజాస్వామ్యం దృఢంగా ఉంటుందని జిల్లా ఎన్నికల అధికారి, కలెక్టర్‌ డా.కె.శ్రీనివాసులు పేర్కొన్నారు. స్వీప్‌ యాక్టివిటీలో భాగంగా శుక్రవారం కలెక్టరేట్‌లో ఓటుహక్కు వినియోగంపై అవగాహన పెంచేందుకు సంతకాల సేకరణ కార్యక్రమాన్ని ఆయన ప్రారంభించారు. ముందుగా ఫ్లెక్సీపై సంతకం చేశారు. అనంతరం ఆయన మాట్లాడుతూ.. సార్వత్రిక ఎన్నికల్లో ఎలాంటి ప్రలోభాలకు గురికాకుండా ప్రతిఒక్కరూ స్వేచ్ఛగా ఓటుహక్కును వినియోగించుకోవాలన్నారు. కలెక్టరేట్‌లో ఏర్పాటు చేసిన సంతకాల సేకరణ కార్యక్రమంలో పెద్దఎత్తున ఓటర్లు పాల్గొనాలని కోరారు.