ప్రశాంతంగా ఎన్నికలు జరిగేలా సహకరించాలి

గోనెగండ్ల: సార్వత్రిక ఎన్నికల్లో ఎలాంటి గొడవలు జరగకుండా ప్రశాంతంగా ఎన్నికల నిర్వహణకు అన్ని పార్టీల నాయకులు సహకరించాలని ఎమ్మిగనూరు డీఎస్పీ సీతారామయ్య అన్నారు. గురువారం గోనెగండ్లలోని బాషా ఫంక్షన్ హాల్‌లో గోనెగండ్ల సీఐ రామకృష్ణయ్య అన్ని పార్టీల నాయకులతో సమీక్ష సమావేశం నిర్వహించారు. ఈ కార్యక్రమానికి ముఖ్యఅతిథిగా డీఎస్పీ హాజరై మాట్లాడారు. ఎన్నికల కోడ్ అమలులో ఉంటుందని, నిబంధన అతిక్రమిస్తే కేసులు తప్పవని పేర్కొన్నారు. పోలింగ్ కేంద్రాల దగ్గర గొడవలు సృష్టిస్తే తగు చర్యలు తప్పవని హెచ్చరించారు. ఈ కార్యక్రమంలో ఎస్సై తిమ్మారెడ్డి, పోలీస్ సిబ్బంది తదితరులు పాల్గొన్నారు.