ఖాదీ బోర్డు డీడీగా సురేష్‌

నెల్లూరు (స్టోన్‌హౌస్‌పేట), న్యూస్‌టుడే: ఖాదీ విలేజ్‌ ఇండస్ట్రీస్‌ బోర్డు (ఏపీకేవీఐబీ) జిల్లా డీడీ (ఎఫ్‌ఏసీ)గా ఎస్‌.వి.సురేష్‌ను నియమిస్తూ ప్రభుత్వం ఉత్తర్వులు జారీ చేసింది. ఆయన తిరుపతిలో ఏపీఐఐసీ ప్రత్యేక ప్రాజెక్టు డిప్యూటీ జోనల్‌ మేనేజర్‌గా పనిచేస్తున్నారు. ఆయనకు అదనపు బాధ్యతలను అప్పగించగా విధుల్లో చేరారు.

రేపు అవగాహన సదస్సు

ప్రధానమంత్రి ఉపాధి కల్పన పథకం (పీఎంఈజీపీ)పై సోమవారం అవగాహన సదస్సు ఏర్పాటు చేస్తున్నట్లు కేవీఐబీ డీడీ ఎస్‌.వి.సురేష్‌ తెలిపారు. నగరంలోని కామాటివీధి కృష్ణ మందిరం కల్యాణమండపంలో  మధ్యాహ్నం మూడు గంటలకు అవగాహన సదస్సు నిర్వహిస్తున్నట్లు వివరించారు.