ఎలుకల భయంతో కస్తూర్బా విద్యార్థినులకు టీకాలు

మాచారెడ్డి, న్యూస్‌టుడే: ఎలుకలు కరుస్తాయనే భయంతో మాచారెడ్డి మండలం ఆరేపల్ల్లిస్టేజ్‌ సమీపంలోని కస్తూర్బా పాఠశాలలో పదో తరగతి విద్యార్థినులకు ఆదివారం సాయంత్రం పీహెచ్‌సీలో టీకాలు ఇప్పించారు. మూడు రోజుల క్రితం పాఠశాలలో రాత్రి కాపలాదారుగా పని చేస్తున్న వ్యక్తిని ఎలుక కరిచింది. ఈ విషయం విద్యార్థినుల ముందు చర్చించగా రాత్రుళ్లు తమపై నుంచీ తిరుగుతున్నాయని చెప్పారు. సోమవారం నుంచి వారికి పరీక్షలు ఉండటంతో పాఠశాల సిబ్బంది ముందు జాగ్రత్తగా మాచారెడ్డి పీహెచ్‌సీకి తీసుకొచ్చి టీటీ, యాంటీ రేబిస్‌ టీకాలు వేయించారు. ‘న్యూస్‌టుడే’ ఈ విషయంపై సెక్టోరల్‌ అధికారిణి ఉమారాణిని వివరణ కోరగా కస్తూర్బాను సందర్శించి విచారణ చేస్తామని తెలిపారు.