సమస్యలకు శాస్త్రీయ పరిష్కారాలు చూపాలి

సూచనలు చేస్తున్న జిల్లా సైన్సు అధికారి గంగాకిషన్‌

నిజామాబాద్‌ విద్యావిభాగం, న్యూస్‌టుడే: రాష్ట్ర ప్రభుత్వం యునిసెఫ్‌, ఇంక్వి-ల్యాబ్‌ ఫౌండేషన్‌ సహకారంతో నిర్వహించ తలపెట్టిన పాఠశాల స్థాయి ఇన్నోవేషన్‌ ఛాలెంజ్‌పై గురువారం నిజామాబాద్‌లోని న్యూఅంబేడ్కర్‌ భవనంలో 220 మంది ఉపాధ్యాయులకు అవగాహన కల్పించారు. ఈ సందర్భంగా జిల్లా సైన్సు అధికారి గంగాకిషన్‌ మాట్లాడారు. విద్యార్థులతో ఎస్‌ఐసీ బృందాలు ఏర్పాటు చేయాలని సూచించారు. వారిని గ్రూపులో చేర్చి సమస్యలకు శాస్త్రీయ పరిష్కారాలు చూపించే సృజనాత్మక ఆలోచనలను అప్‌లోడ్‌ చేయాలన్నారు. గీతాంజలి, రోహిణీ, ప్రణయ్‌, గోవర్ధన్‌, కాంతారావు తదితరులున్నారు.