తెదేపాతోనే రాష్ట్రాభివృద్ధి సాధ్యం

పొదిలి గ్రామీణం, తర్లుపాడు, అర్థవీడు, బేస్తవారపేట, కంభం(రాచర్ల)  

పొదిలి గ్రామీణం : ఉప్పలపాడులో ప్రచారం నిర్వహిస్తున్న  కందుల నారాయణరెడ్డి

రాష్ట్రాభివృద్ధి తెదేపాతోనే సాధ్యమని  మార్కాపురం నియోజకవర్గ తెదేపా అభ్యర్థి కందుల నారాయణరెడ్డి పేర్కొన్నారు. పొదిలి మండలంలోని వేలూరు, టి.సళ్లూరు, తలమల్ల, గోగినేనివారిపాలెం, ఉప్పలపాడు గ్రామాల్లో గురువారం మాగుంట రాఘవరెడ్డితో కలిసి పర్యటించారు.  ఈ సందర్భంగా కందుల నారాయణరెడ్డి  మాట్లాడుతూ పశ్చిమప్రకాశం అభివృద్ధి చెందాలంటే వెలిగొండ పూర్తి కావడంతో పాటు, మార్కాపురాన్ని జిల్లా చేయాలన్నారు. దీనికి నారా చంద్రబాబు నాయుడు జిల్లా చేస్తానని ఇప్పటికే హామీ ఇచ్చారని గుర్తు చేశారు.‌

• తర్లుపాడులో గురువారం కందుల నారాయణరెడ్డి కుమారుడు రోహిత్‌రెడ్డి తెదేపా, జనసేన, బీజేపీ పార్టీల ముఖ్య నాయకులతో కలిసి ‘ఇంటింటికి కందుల ప్రచారం’ కార్యక్రమాన్ని చేపట్టారు. ‌
• అర్థవీడు మండల పరిధిలోని వెలగలపాయ నుంచి నాగులవరం వరకు తెదేపా ఎమ్మెల్యే అభ్యర్థి ముత్తుముల అశోక్‌రెడ్డి తెదేపా, జనసేన శ్రేణులతో కలసి  గురువారం ప్రచారాన్ని నిర్వహించారు. ‌
• స్తవారపేట మండలంలోని జేసీ అగ్రహారం, వంగపాడు, కొత్తపల్లె, పాత మల్లాపురం, కొత్త మల్లాపురం గ్రామాల్లో అశోక్‌రెడ్డి తనయుడు దివ్యేష్‌ రెడ్డి ఇంటింటి ప్రచారం నిర్వహించారు.
• రాచర్ల ఎస్‌పీజీ కాలనీ, ఏబీఎస్‌ పాలెం, ఫారంలో ముత్తుముల అశోక్‌రెడ్డి సోదరి గీత ప్రచారం నిర్వహించారు.

రాచర్ల : కరపత్రాలు పంపిణీ చేస్తున్న తెదేపా అభ్యర్థి అశోక్‌రెడ్డి సోదరి గీత