పూర్వ విద్యార్థుల సాయం

పాతపట్నం: నాటి గురువులతో పూర్వ విద్యార్థులు

పాతపట్నం, ఎల్‌ఎన్‌పేట, న్యూస్‌టుడే: మండలంలోని పెద్దసీీది జడ్పీ ఉన్నత పాఠశాలలో చదివిన పూర్వ విద్యార్థుల ఆత్మీయ కలయిక కార్యక్రమం సోమవారం ఇక్కడ ఘనంగా జరిగింది. 1996-97లో పదోతరగతి చదివిన వీరు ప్రధానోపాధ్యాయులు బి.రామ్మూర్తి అధ్యక్షతన ఈ కార్యక్రమాన్ని నిర్వహించారు. ఈ సందర్భంగా ఒకరి గురించి మరొకరు తెలుసుకున్నారు. పాఠశాల అభివృద్ధికి రూ.15 వేలు ఆర్థికసాయం చేశారు. ఇటీవల మృతిచెందిన తమ తోటి పూర్వ విద్యార్థులైన బి.నారాయణరావు, ఎం.రామారావు, పి.నరసింహారావు కుటుంబాలకు రూ.1.50 లక్షల ఆర్థిక సాయం చేశారు. నాటి ఉపాధ్యాయులను ఈ సందర్భంగా ఘనంగా సత్కరించారు. ● ఎల్‌ఎన్‌పేటలోని లక్ష్మీనర్సుపేట జడ్పీ ఉన్నత పాఠశాలలో 1996-97లో పదోతరగతి చదివిన విద్యార్థులంతా సోమవారం ఎల్‌ఎన్‌పేట మండలకేంద్రంలో ఓ కల్యాణమండపంలో సమావేశమయ్యారు. ఈసందర్భంగా ఆప్పటి ఉపాధ్యాయులను సన్మానించారు. ఈసందర్భంగా ఒక మొక్కను నాటారు.