నేడు జిల్లాలో సీఎం పర్యటన

రణస్థలం కూడలిలో ప్రజలకు అభివాదం చేస్తున్న ముఖ్యమంత్రి జగన్‌

రణస్థలం, అరసవల్లి, న్యూస్‌టుడే: ముఖ్యమంత్రి జగన్‌ ‘మేమంతా సిద్ధం’ బస్సు యాత్రలో భాగంగా మంగళవారం జిల్లాకు వచ్చిన సందర్భంగా పైడిభీమవరం వద్ద వైకాపా శ్రేణులు ఘన స్వాగతం పలికాయి. రాత్రి 8 గంటలకు జిల్లాలోకి బస్సు యాత్ర ప్రవేశించింది. అరిణాం అక్కివలసలో బసకు 8:40 నిమిషాలకు సీఎం చేరుకున్నారు. ఎంపీ బెల్లాన చంద్రశేఖర్‌, ఎమ్మెల్యే గొర్లె కిరణ్‌కుమార్‌ ఆయన వెంట ఉన్నారు. బుధవారం అరిణాం అక్కివలస నుంచి ముఖ్యమంత్రి టెక్కలి వెళ్లనున్నారు. ఎచ్చెర్ల, కుశాలపురం, శ్రీకాకుళం బైపాస్‌, నరసన్నపేట, ఎత్తురాళ్లపాడు మీదుగా కోటబొమ్మాళి చేరుకుని మధ్యాహ్నం 12 గంటలకు పరశురాంపురం గ్రామంలో భోజనం చేస్తారు. 4 గంటలకు బయలుదేరి 4:20కు అక్కివరం గ్రామంలో బహిరంగ సభలో పాల్గొంటారు. 5:30కు అక్కివరం నుంచి హెలీకాప్టర్‌లో బయలుదేరి 6:15కు విశాఖ చేరుకుంటారు. అక్కడ నుంచి 6:30కు గన్నవరం వెళ్తారు.