పళ్లిపట్టులో వైభవంగా గంగజాతర

వీపునకు కొక్కీలతో వేలాడుతున్న భక్తులు

పళ్లిపట్టు, న్యూస్‌టుడే: పళ్లిపట్టులో శ్రీకొళ్లాపురమ్మ, గంగమ్మ ఊరేగింపులు వైభవంగా జరిగాయి. మంగళవారం రాత్రి శ్రీకొళ్లాపురమ్మ ఆలయం ఎదుట నాదస్వర కచేరి, పాటకచేరి నిర్వహించారు. రాత్రి 10 గంటలకు శ్రీకొళ్లాపురమ్మను ప్రత్యేకంగా అలంకరించి పుష్పపల్లకిలో పట్టణ వీధుల్లో ఊరేగించారు. ఊరేగింపు బుధవారం ఉదయం 9 గంటలకు ముగిసింది. ఆ తర్వాత గంగమ్మను ప్రత్యేకంగా అలంకరించి పట్టణ వీధుల్లో ఊరేగింపు చేపట్టారు. ఆ సమయంలో వెయ్యికండ్ల మట్టికుండలో పిండిదీపం వెలిగించి వాటిని భక్తుల శిరస్సుపై మోసి గంగమ్మను వెంబడించి తమ మొక్కులను చెల్లించుకున్నారు. పలువురు భక్తులు విన్యాసాలు ప్రదర్శించారు. చివరిగా సాయంత్రం 6 గంటలకు గంగమ్మను ఏటికసం వద్ద గుంటలో నిమజ్జనం చేశారు.

ప్రత్యేక అలంకరణతో ఊరేగుతున్న గంగమ్మ