నటుడు ధనుష్‌, ఐశ్వర్యకు కోర్టు ఉత్తర్వులు

ఐశ్వర్య, ధనుష్‌

ప్యారిస్‌, న్యూస్‌టుడే: నటుడు ధనుష్‌, ఐశ్వర్య కోర్టులో హాజరవ్వాలని చెన్నై ఫ్యామిలీ కోర్టు ఉత్తర్వులు ఇచ్చింది. నటుడు ధనుష్‌, రజనీకాంత్‌ పెద్ద కుమార్తె ఐశ్వర్యలకు గత 2004లో ప్రేమ వివాహం అయిన విషయం తెలిసిందే. వారికి యాత్ర, లింగ అనే ఇద్దరు కుమారులు ఉన్నారు. ఈ నేపథ్యంలో వారిద్దరు గత కొంతకాలంగా వేర్వేరుగా ఉంటున్నారు. వారిద్దరిని కలిపేందుకు రజనీకాంత్‌ కూడా తీవ్రంగా ప్రయత్నించినట్లు తెలుస్తోంది. కాని వారిద్దరు విడాకులు తీసుకోవాలని నిర్ణయించుకున్నారు. ఈ నేపథ్యంలో వారిద్దరు పరస్పర అంగీకారంతో విడాకులు కోరి చెన్నై ఫ్యామిలీ కోర్టులో గత వారం పిటిషన్‌ దాఖలు చేశారు. ఈ పిటిషన్‌ న్యాయమూర్తి సుభాదేవీ ముందు సోమవారం విచారణకు వచ్చింది. అప్పుడు నటుడు ధనుష్‌, ఐశ్వర్యలు అక్టోబరు 7న కోర్టులో హాజరవ్వాలని ఉత్తర్వులు ఇచ్చి విచారణను న్యాయమూర్తి వాయిదా వేశారు.