ప్రతి ఇంటికీ పథకాలు అందించాం: బెల్లాన

చీపురుపల్లిలో కిట్లు పంపిణీ చేస్తున్న ఎంపీ చంద్రశేఖర్‌

రామభద్రపురం, చీపురుపల్లి, న్యూస్‌ టుడే: ప్రభుత్వం ప్రతి ఇంటికీ సంక్షేమ పథకాలను అందించిందని ఎంపీ బెల్లాన చంద్రశేఖర్‌ అన్నారు. రామభద్రపురం వైకాపా కార్యాలయంలో ఆదివారం గృహసారథులు, సచివాలయ కన్వీనర్లతో ఏర్పాటు చేసిన సమావేశంలో ఎమ్మెల్యే శంబంగి చినఅప్పలనాయుడుతో కలసి పాల్గొన్నారు. ఎంపీ మాట్లాడుతూ సీఎం జగన్‌మోహన్‌రెడ్డి ఇచ్చిన హామీలన్నీ వంద శాతం అమలు చేశారన్నారు. అంతా అండగా నిలవాలన్నారు. అనంతరం ఎమ్మెల్యే మాట్లాడుతూ గెలుపే లక్ష్యంగా గృహసారథులు పనిచేయాలని కోరారు.  ఎంపీపీ లక్ష్మణరావు, జడ్పీటీసీ సభ్యురాలు సరస్వతి, ఏఎంసీ ఛైర్మన్‌ శ్రీనివాసరావు, శంబంగి వేణుగోపాల్‌నాయుడు, ఇంటి గోపాలరావు, బ్రాహ్మణ కార్పొరేషన్‌ డైరెక్టరు రాయల్‌, సింహాచలంనాయుడు పాల్గొన్నారు. బీ చీపురుపల్లిలోని తన నివాసంలో జరిగిన కార్యక్రమంలో గృహ సారథులకు ఎంపీ చంద్రశేఖర్‌ ఆదివారం కిట్లు పంపిణీ చేశారు.