ఫిర్యాదులొస్తే కఠిన చర్యలు

విజయనగరం పట్టణం, న్యూస్‌టుడే: విజయనగరం నగరపాలక సంస్థలోని పట్టణ ప్రణాళికా విభాగంలో సిబ్బందిపై కచ్చితమైన ఫిర్యాదులు వస్తే కఠిన చర్యలు తీసుకుంటామని కమిషనరు ఎం.మల్లయ్యనాయుడు ‘న్యూస్‌టుడే’కు తెలిపారు. ‘ఈనాడు’లో ఈనెల 28న ‘పనికో రేటు.. అదే రూటు’ శీర్షికన ప్రచురితమైన కథనానికి ఆయన స్పందించారు. భవన నిర్మాణాలకు సంబంధించిన దరఖాస్తులు పెండింగ్‌లో లేవని చెప్పారు. అనధికార నిర్మాణాలు, ఉల్లంఘనలు, ఆక్రమణలపై సచివాలయ ప్లానింగ్‌ కార్యదర్శులు, ప్రణాళికా విభాగం సిబ్బంది ఎప్పటికప్పుడు పర్యవేక్షిస్తున్నారని వివరించారు.