పరిశోధనల్లో నవ ఉషస్సులు

ఉద్యాన పరిశోధనా స్థానం యువ శాస్త్రవేత్తగా బాధ్యతలు చేపట్టారు డా.డి.శ్రీధర్‌. బొప్పాయి, కర్బూజా, పుచ్చకాయ, మామిడి పంటలలో ఎన్నోపరిశోధనలు చేశారు.మిషన్‌ ఫర్‌ ఇంటిగ్రేటెడ్‌ డవలప్‌మెంట్‌ ఆఫ్‌ హర్టీకల్చర్‌ ద్వారా పసుపు పంటలో ఉత్తమ పరిశోధనా విత్తనాలను ఉత్పత్తి చేయడంలో భాగస్వాములయ్యారు. ప్రధానంగా బొప్పాయిలో ఈయన రచించిన ప్లాంట్‌ ఎలిసిటర్స్‌ ప్రభావంపై గుజరాత్‌లో నవసారీ వ్యవసాయ విశ్వవిద్యాలయం నిర్వహించిన హర్టీకల్చర్‌ సదస్సులో ఉత్తమ పరిశోధనా పత్రంగా ఎంపికైంది. దీంతో రెండు నెలల కిందటే ఉత్తమ పరిశోధకునిగా అవార్డును అందుకున్నారు. వీటితోపాటు వెంకట్రామన్నగూడెం ఉద్యాన విశ్వవిద్యాలయంలో యువ ఉద్యాన శాస్త్రవేత్తల బృందంతోపలు పరిశోధనల్లో భాగస్వాములయ్యాయి.

దానిమ్మ సాగుపై..

విశ్వవిద్యాలయ అనుబంధంగా ఏర్పాటైన కృషి విజ్ఞాన కేంద్ర శాస్త్రవేత్తగా డా.ఫిరోజ్‌హుస్సేన్‌ పని చేస్తున్నారు. మూడేళ్ల కిందట ఉద్యాన శాస్త్రవేత్తగా తన ప్రస్థానం ప్రారంభించారు. తక్కువ వయసులో దానిమ్మ సాగులో పి.హెచ్‌.డి. విద్యార్థిగా ఎన్నో ప్రయోగాలు చేశారు. పలు అంశాల్లో గుర్తింపు పొందారు. ఉత్తమ పి.హెచ్‌.డి అవార్డును ప్రదానం చేశారు. ఈ ఏడాది ఏప్రిల్‌ 27న నన్సారీ యూనివర్శిటీలో అందుకున్నారు. విద్యార్థి దశలోనే 15 పరిశోధనా పత్రాలను, ఉద్యాన రంగంలో దానిమ్మసాగుపై ఏడు తెలుగు వ్యాసాలను రచించారు.