Andhra news: పేరుకే మూడు రాజధానులు.. పాలనంతా విశాఖ నుంచే: ధర్మాన

శ్రీకాకుళం: పేరుకు మూడు రాజధానులు అని చెప్పినా.. పాలన అంతా విశాఖ నుంచే సాగుతుందని ఏపీ మంత్రి ధర్మాన ప్రసాదరావు అన్నారు. ఇన్నేళ్ల తర్వాత విశాఖపట్నానికి వచ్చిన అవకాశాన్ని వదులుకోవద్దని ప్రజలకు సూచించారు. ‘మన విశాఖ..మన రాజధాని’ పేరిట శ్రీకాకుళంలో నిర్వహించిన రౌండ్‌ టేబుల్‌ సమావేశంలో ధర్మాన పాల్గొన్నారు. అమరావతిలో 33 వేల ఎకరాలు సేకరించిన చంద్రబాబు..రియల్‌ ఎస్టేట్‌ వ్యాపారానికి అంగీకరించలేదనే తమపై బురద జల్లుతున్నారని విమర్శించారు. విజయవాడ-గుంటూరు మధ్య రాజధాని వద్దని శ్రీకృష్ణ కమిటీ చెప్పిందన్నారు. విశాఖ రాజధానిపై ప్రజల్లో చలనం తీసురావాలనే ఉద్దేశంతోనే ‘రాజీనామా’ అన్నానని మంత్రి ధర్మాన పేర్కొన్నారు.