Ice cubes: కరిగిపోయే సీతాకోకచిలుక..!

మారుతున్న టెక్నాలజీ పరిజ్ఞానం, విస్తరిస్తున్న సోషల్‌ మీడియా ప్లాట్‌ఫామ్స్‌ను

Published : 06 Aug 2021 01:51 IST

ఇంటర్నెట్‌ డెస్క్‌: మారుతున్న టెక్నాలజీ పరిజ్ఞానం, విస్తరిస్తున్న సోషల్‌ మీడియా ప్లాట్‌ఫామ్స్‌ను ఉపయోగించుకుంటూ ఈ రోజుల్లో రెస్టారెంట్లను నడపడం అంత సులువేం కాదు. ఎప్పటికప్పుడు రెస్టారెంట్లు వాటి వ్యూహాల్ని మార్చుకుంటూ ఆహార ప్రియుల్ని ఆకట్టుకోవాలి. రుచికరమైన ఆహారాన్ని అందించడం మాత్రమే కాదు. ప్రతి ఒక్కర్నీ ఆకట్టుకునే విధంగానూ వాటిని ప్రదర్శించాలి. వినూత్న ఆలోచనలతో సరికొత్త మార్గాలను అనుసరించాలి. ఇదే తరహాలో ఆకర్షణీయంగా తయారుచేసిన డ్రింక్‌ ఇప్పుడు సోషల్ మీడియాలో చక్కర్లు కొడుతోంది. సీతాకోకచిలుక ఆకారంలోని ఐస్‌ ముక్కలను (క్యూబ్స్‌) జోడించి తయారుచేసిన ఆ డ్రింక్‌ ఇప్పుడు వైరల్‌ అవుతోంది. @blestallure అనే పేరుతో ఉన్న ట్విటర్‌ ఖాతాలో ఆ ఫొటో పొందుపరిచారు. ఇప్పటికే ఈ ఫొటోకు 2 లక్షలకు పైగా లైక్స్‌, 40వేల రీట్వీట్లు వచ్చాయి. ఈ ఫొటోలో సాధారణ ఐస్‌ ముక్కలను కలిపిన రెండు వేర్వేరు రంగులతో కూడిన (ఒకటి రోజ్‌ ఫ్లెవర్డ్, మరొకటి గ్రీన్‌ మట్చా టీ) పానీయాలు ఉంటాయి. వీటిలో సీతాకోకచిలుక ఆకారంలో ఉన్న ఐస్‌ ముక్కలను చేర్చడంతో ఆ డ్రింక్‌ మరింత ఆకర్షణీయంగా కనిపిస్తోంది. ఇంటర్నెట్‌ యూజర్స్‌ ఈ ఫొటోను చూడగానే మంత్ర ముగ్ధులవుతున్నారు. మరికొంత మంది ఇటువంటి డ్రింక్‌ ఎక్కడ దొరుకుతుందో చెప్పమని షేర్‌ చేస్తున్నారు.

Read latest General News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని