ఏటీఎంలో మెషీన్‌లోకి వెళ్లిన పాము

ఘజియాబాద్‌: ఎక్కువమంది వినియోగించుకోని ఏటీఎంలలో వీధి కుక్కలు తిష్ట వేస్తుంటాయి. అలాంటిది ఏకంగా ఓ భారీ సర్పం ఏటీఎం సెంటర్‌లోకి వెళ్లడమే కాదు, ఏకంగా మెషీన్‌లోకి వెళ్లిపోయింది. ఘజియాబాద్‌లో జరిగిన ఈ ఘటనకు సంబంధించిన వీడియో ప్రస్తుతం నెట్టింట వైరల్‌గా మారింది. ఘజియాబాద్‌లోని ఓ ఐసీఐసీఐ బ్యాంకు ఏటీఎంలో అందరూ చూస్తుండగానే ఓ పాము ప్రవేశించింది. దీనిని గమనించిన సెక్యూరిటీ గార్డు ఏటీయం తలుపును మూసేయటంతో అది బయటకు రాలేకపోయింది. కొద్దిసేపటి తర్వాత ఏటీఎం మెషీన్‌ పైకి ఎక్కి దానిలో ఉన్న చిన్న రంధ్రం ద్వారా లోపలకు ప్రవేశించింది. ఈ సమాచారం అందటంతో సంఘటనా స్థలాన్ని చేరుకున్న అటవీ అధికారులు దానిని పట్టుకుని సురక్షిత ప్రాంతానికి తరలించారు. ప్రస్తుతం ఈ వీడియో సామాజిక మాధ్యమాల్లో వైరల్‌ అయింది.