PSLV: పీఎస్‌ఎల్వీ-సీ 52 వాహక నౌక కౌంట్‌డౌన్‌ ప్రారంభం

సూళ్లూరు పేట: భారత అంతరిక్ష ప్రయోగ కేంద్రమైన సతీష్‌ ధావన్‌ స్పేస్‌ సెంటర్‌ (షార్‌) మరో ప్రయోగానికి సిద్ధమైంది. పీఎస్‌ఎల్వీ-సీ 52 వాహక నౌక ప్రయోగాన్ని సోమవారం ఉదయం 5.59 గంటలకు చేపట్టనున్నారు. ఈ నేపథ్యంలో ఆదివారం తెల్లవారుజామున 4.29 గంటలకు కౌంట్‌డౌన్‌ ప్రారంభమైంది. ఇది 25.30 గంటల పాటు కొనసాగిన అనంతరం పీఎస్‌ఎల్వీ నింగిలోకి దూసుకెళ్లనుంది. వాహకనౌక 1710 కిలోల బరువు ఉన్న ఆర్‌ఐశాట్‌, 1705 కిలోల ఐఎన్‌ఎస్‌‌-2టీడీ, 8.1 కిలోల ఇన్‌స్పైట్‌-1 ఉపగ్రహాలను మోసుకెళ్లనుంది. ఇస్రో అధిపతి డాక్టర్‌ సోమనాథ్‌ శనివారం షార్‌కు చేరుకుని ఎంఆర్‌ఆర్‌ సమావేశంలో పాల్గొన్నారు. ఆదివారం కూడా ఆయన ఇక్కడే ఉండి, కౌంట్‌డౌన్‌ ప్రక్రియలో నిమగ్నమయ్యారు. శాస్త్రవేత్తలతో వివిధ ప్రాజెక్ట్‌లపై సమీక్ష నిర్వహిస్తున్నారు.