భారతరత్న CNR రావుకు ఇంటర్నేషనల్‌ అవార్డు

దిల్లీ: భారతరత్న పురస్కార గ్రహీత ప్రొఫెసర్‌ సీఎన్‌ఆర్‌ రావును అంతర్జాతీయ పురస్కారం వరించింది. రసాయన శాస్త్రంలో లెజెండరీ సైంటిస్ట్‌గా ఉన్న ఆయనకు పునరుత్పాదక ఇంధన వనరులపై చేసిన పరిశోధనలకు గాను ఇంటర్నేషనల్‌ ఎనీ అవార్డు- 2020 దక్కింది. ఎనర్జీ రీసెర్చిలో ఈ పురస్కారాన్ని నోబెల్ బహుమతిగా పరిగణిస్తారు. ఈ పురస్కారాన్ని ఆయనకు అక్టోబర్‌ 14న రోమ్‌లోని క్విరినల్‌ ప్యాలస్‌లో నిర్వహించే అధికారిక కార్యక్రమంలో ప్రదానం చేయనున్నారు. ఈ కార్యక్రమంలో ఇటలీ అధ్యక్షుడు సెర్గియో మాటారెల్లా హాజరు కానున్నారు. ఈ పురస్కారం కింద నగదు బహుమతితో పాటు బంగారు పతకాన్ని అందజేయనున్నారు. ఇంధన వనరుల వినియోగాన్ని మెరుగుపరచడం, వీటిపై పరిశోధనల్లో కొత్త తరాన్ని ప్రోత్సహించే లక్ష్యంతో అనేక ఏళ్లుగా ఇస్తున్న ఈ పురస్కారం అంతర్జాతీయంగా గుర్తింపు పొందింది.

► Read latest India News and Telugu News

► Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.