OPS: ఆ ఉద్యోగులకు ఓపీఎస్ అవకాశం.. కేంద్ర ప్రభుత్వం ప్రకటన

దిల్లీ: కేంద్రప్రభుత్వ ఉద్యోగుల్లోని కొంతమందికి పాత పింఛను విధానం (ఓపీఎస్‌)ను ఎంచుకునే అవకాశాన్ని కేంద్రం కల్పించింది. ఇందుకోసం ఈ ఏడాది ఆగస్టు 31లోగా దరఖాస్తు చేసుకోవాలని శుక్రవారం సిబ్బంది వ్యవహారాల మంత్రిత్వశాఖ సూచించింది. డిసెంబరు 22, 2003కు ముందు వెలువడిన ఉద్యోగ నియామక ప్రకటనల ఆధారంగా నియమితులైన ఉద్యోగులకు ఓపీఎస్‌ను ఎంచుకునే అవకాశం దక్కనుంది. జాతీయ పింఛను విధానం (ఎన్‌పీఎస్‌) డిసెంబరు 22, 2003న అమల్లోకి వచ్చింది. ఉద్యోగ వర్గాల నుంచి వచ్చిన పలు వినతులను పరిశీలించిన మీదట అప్పటి వారికి పాత పింఛను అవకాశాన్ని కల్పిస్తూ కేంద్రం తాజా నిర్ణయం తీసుకుంది.