Updated : 04 Feb 2020 17:48 IST

ఎన్‌ఆర్‌సీపై కేంద్రం కీలక ప్రకటన

దిల్లీ: దేశవ్యాప్తంగా జాతీయ పౌర పట్టిక(ఎన్‌ఆర్‌సీ), సీఏఏపై తీవ్ర స్థాయిలో ఆందోళనలు జరుగుతున్న తరుణంలో కేంద్రం కీలక ప్రకటన చేసింది. జాతీయ స్థాయిలో ఎన్‌ఆర్‌సీ అమలుపై ఇప్పటి వరకు ఎలాంటి నిర్ణయం తీసుకోలేదని లోక్‌సభకు ఇచ్చిన లిఖితపూర్వక సమాధానంలో కేంద్ర హోంశాఖ సహాయమంత్రి నిత్యానంద్‌ రాయ్‌ పేర్కొన్నారు.

దేశవ్యాప్త ఎన్‌ఆర్‌సీపై తమ ప్రభుత్వం ఏనాడూ చర్చించలేదని ఇప్పటికే ప్రధాని మోదీ ఓ సందర్భంలో స్పష్టం చేసిన విషయం తెలిసిందే. అయితే దేశవ్యాప్తంగా ఎన్‌ఆర్‌సీ అమలు చేస్తామని కేంద్ర హోం మంత్రి అమిత్‌ షా ఓసారి పార్లమెంటులో ప్రకటించారు. పలువురు కేంద్ర మంత్రులు కూడా దీన్ని సమర్థిస్తూ అనేక సందర్భాల్లో వ్యాఖ్యలు చేశారు. ఈ నేపథ్యంలో మోదీ వ్యాఖ్యలు అప్పట్లో చర్చనీయాంశంగా మారాయి. దేశవ్యాప్త ఎన్‌ఆర్‌సీపై ఆందోళన చెందనక్కర్లేదని ప్రధాని అప్పట్లో హామీ ఇచ్చారు. వివాదాస్పదమైన ఈ అంశంపై తన ప్రభుత్వం కేబినెట్‌లో కానీ పార్లమెంటులో కానీ చర్చించలేదని చెప్పారు. సుప్రీం కోర్టు ఆదేశాలకు అనుగుణంగా అసోంలో మాత్రమే దీన్ని అమలు చేశామని చెప్పారు. తాజాగా వీటికి బలం చేకూరుస్తూ లోక్‌సభలో అధికారికంగా లిఖితపూర్వక ప్రకటన చేశారు. దీంతో రెండు నెలలుగా దేశవ్యాప్తంగా జరుగుతున్న ఆందోళనలకు కేంద్రం చెక్‌ పెట్టే ప్రయత్నం చేసినట్లు విశ్లేషకులు అభిప్రాయపడుతున్నారు.   


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts