నేడు అఖిలపక్ష భేటీ

రేపు ప్రారంభం కానున్న పార్లమెంటు బడ్జెట్‌ సమావేశాలు

దిల్లీ: పార్లమెంటు బడ్జెట్‌ సమావేశాలు మంగళవారం నుంచి ప్రారంభమవుతున్న నేపథ్యంలో కేంద్రం సోమవారం అఖిలపక్ష సమావేశాన్ని ఏర్పాటు చేసింది. ఈ భేటీని పార్లమెంటు అనుబంధ భవనంలో నిర్వహించనున్నట్లు పార్లమెంటు వ్యవహారాల మంత్రి ప్రహ్లాద్‌ జోషి తెలిపారు. ఉభయ సభల సమావేశాలు సజావుగా జరిగేందుకు సహకరించాలని ఈ భేటీలో కేంద్రం అన్ని పార్టీలకు విజ్ఞప్తి చేయనుంది. 

* పార్లమెంటులో అనుసరించాల్సిన సహకార వ్యూహాలపై చర్చించేందుకు సోమవారం ఎన్‌డీయే పక్షాలు  సమావేశమవుతున్నాయి.

* పార్లమెంటు సంయుక్త సమావేశాన్ని ఉద్దేశించి  రాష్ట్రపతి ద్రౌపదీ ముర్ము చేసే ప్రసంగంతో బడ్జెట్‌ సెషన్‌ మంగళవారం ఆరంభమవుతుంది. ఆమె ప్రసంగానంతరం ఆర్థిక సర్వేను ప్రవేశ పెడతారు.

*  ఫిబ్రవరి 1న కేంద్ర ఆర్థిక మంత్రి నిర్మలా సీతారామన్‌ 2023-24 ఆర్థిక సంవత్సరానికి కేంద్ర బడ్జెట్‌ను ప్రవేశపెడతారు. 2024లో లోక్‌సభ ఎన్నికల నేపథ్యంలో ఎన్‌డీయే-2 ప్రభుత్వం సమర్పించే చివరి పూర్తిస్థాయి బడ్జెట్‌ ఇదే కానుంది.

* బడ్జెట్‌ సమావేశాలు రెండు విడతల్లో జరుగుతాయి.  మొదటి విడత ఈ నెల 31న ప్రారôభమై ఫిబ్రవరి 13 వరకూ సాగుతాయి.