రైల్వే స్టేషన్‌ టీవీల్లో అశ్లీల వీడియో

పట్నాలో ఘటన

పట్నా: బిహార్‌లోని పట్నా రైల్వే స్టేషన్‌లో రైలు కోసం ఎదురుచూస్తున్న ప్రయాణికులు ఒక్కసారిగా తీవ్ర అసౌకర్యానికి గురయ్యారు. అక్కడ ఉన్న టీవీల్లో అశ్లీల దృశ్యాలు ప్రసారం కావడమే కారణం. ఆదివారం ఉదయం ఈ ఘటన చోటుచేసుకుంది. టీవీల్లో ప్రకటనలకు బదులు ఆ అసభ్యకర దృశ్యాలు 3 నిమిషాలపాటు ప్రసారం అయ్యాయి. దీంతో ప్రయాణికులు రైల్వే పోలీసులకు ఫిర్యాదు చేశారు.   అక్కడ ప్రకటనలు ప్రసారం చేసే కాంట్రాక్టు సంస్థ దత్తా కమ్యూనికేషన్స్‌కు పోలీసులు సమాచారం ఇవ్వడంతో ఆ దృశ్యాలు ఆగిపోయాయి. రైల్వే పోలీసులు ఆ సంస్థపై కేసు నమోదు చేశారు. అధికారులు కాంట్రాక్టును రద్దు చేశారు.