పెళ్లికి ముందు యువతి కిడ్నాప్‌.. ఎడారిలో నిందితుడి ‘సప్తపది’

రాజస్థాన్‌లోని జైసల్మేర్‌లో ఓ యువతిని పది మంది దుండగులు అపహరించగా.. నిందితుల్లో ఒకడైన పుష్పేంద్ర ఆమెను బలవంతంగా వివాహం చేసుకునేందుకు ప్రయత్నించాడు. జైసల్మేర్‌కు చెందిన యువతికి ఓ యువకుడితో జూన్‌ 12 వివాహం జరగాల్సి ఉంది. ఈ నేపథ్యంలో పుష్పేంద్ర, అతని అనుచరులు ఆమెను కిడ్నాప్‌ చేశారు. ఎడారిలోకి తీసుకువెళ్లి.. బాధితురాలు ఏడుస్తున్నా పట్టించుకోని పుష్పేంద్ర.. ఆమెను చేతులతో ఎత్తుకొని గడ్డితో వేసిన మంట చుట్టూ ఏడుసార్లు తిరిగాడు. మళ్లీ వేరే వ్యక్తిని పెళ్లి చేసుకోవద్దని పుష్పేంద్ర ఆమెను బెదిరించి విడిచిపెట్టాడు. బాధితురాలి కుటుంబసభ్యుల ఫిర్యాదుతో పోలీసులు నిందితులను అరెస్ట్‌ చేశారు.