Published : 10/08/2021 23:52 IST

Oxygen-Related Death: సేకండ్‌ వేవ్‌లో ఆక్సిజన్‌ కొరతతో ఒక్కరే మృతి: కేంద్రం

దిల్లీ: కొవిడ్‌ రెండో ఉద్ధృతి సమయంలో కేవలం ఒక రాష్ట్రంలో మాత్రమే ఆక్సిజన్ కొరత కారణంగా ఒకరే  అనుమానాస్పద స్థితిలో మరణించినట్లు కేంద్రం తెలిపింది. ఈ మేరకు మంగళవారం ఏర్పాటు చేసిన విలేకరుల సమావేశంలో కేంద్ర ఆరోగ్య శాఖ కార్యదర్శి లవ్‌ అగర్వాల్ వివరాలు వెల్లడించారు. అంతకుముందు దేశంలో ఆక్సిజన్‌ కొరత కారణంగా సంభవించిన మరణాల అంశాన్ని పార్లమెంటులో లేవనెత్తిన నేపథ్యంలో.. దానికి సంబంధించిన వివరాలను సమర్పించాలని రాష్ట్రాలను కోరినట్టు ఆయన తెలిపారు. అయితే ఇప్పటివరకు అందిన వివరాల ప్రకారం కేవలం ఒక రాష్ట్రంలోనే ఆక్సిజన్‌ కొరత కారణంగా ఒకరు అనుమానాస్పద స్థితిలో మృతిచెందినట్లు పేర్కొన్నారు. కానీ ఆ రాష్ట్రం పేరును ఆయన బహిర్గతం చేయలేదు. మిగిలిన రాష్ట్రాలేవీ అలాంటి మరణాలకు సంబంధించిన వివరాలను వెల్లడించలేదని చెప్పారు.

ఆక్సిజన్‌ కొరత కారణంగా కొవిడ్‌ రెండో దశ ఉద్ధృతి సమయంలో.. అనుమానాస్పద స్థితిలో చోటుచేసుకున్న మరణాల వివరాలను ఈ నెల 13న పార్లమెంటు వర్షాకాల సమావేశాలు ముగిసేలోగా అందజేయాలని అన్ని రాష్ట్రాలు, కేంద్రపాలిత ప్రాంతాలను కేంద్రం కోరింది. అయితే కేంద్రం ఆదేశాలకు అనుగుణంగా ఇప్పటివరకు 13 రాష్ట్రాలు వివరాలను సమర్పించినట్టు సమాచారం. ఆ వివరాల ప్రకారం.. ఆక్సిజన్‌ కొరత కారణంగా పంజాబ్‌లో పలువురు కొవిడ్‌ రోగులు ప్రాణాలు కోల్పోయారని అనుమానిస్తున్నట్టు తెలిసింది. అయితే ఆక్సిజన్‌ కొరతతో దేశంలో ఎలాంటి మరణాలూ చోటుచేసుకోలేదంటూ ఇటీవల పార్లమెంటులో కేంద్రం స్పష్టం చేసింది. ఈ అంశంపై రాష్ట్రాలు తమకు వివరాలేవీ సమర్పించలేదని పేర్కొంది.

కొవిడ్ సెకండ్ వేవ్‌లో వైద్యపరమైన వనరులు.. ప్రత్యేకించి ఆక్సిజన్‌కు సంబంధించి దేశం సంక్షోభం ఎదుర్కొన్న నేపథ్యంలో కేంద్రం తాజా ప్రకటన వివాదాస్పదమైంది. ఎంతోమంది ప్రాణవాయువు అందక చనిపోయారు. ఆ సమయంలో అత్యవసర వినియోగం కింద ఆక్సిజన్‌ను ఇతర దేశాల నుంచి దిగుమతి చేసుకున్న విషయం తెలిసిందే. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని