సుధీర్‌ స్కిట్‌.. వెళ్లిపోతా: రోజా 

హైదరాబాద్‌: గత కొన్ని సంవత్సరాలుగా బుల్లితెర ప్రేక్షకులను కడుపుబ్బా నవ్విస్తోన్న ఖతర్నాక్‌ కామెడీ షో ‘ఎక్స్‌ట్రా జబర్దస్త్‌’. రష్మి వ్యాఖ్యాతగా ఈటీవీలో ప్రసారమవుతోన్న ఈ కామెడీ షో ప్రేక్షకులను ఎంతగానో అలరిస్తోంది. రోజా, మనో, రష్మిల కామెడీ టైమింగ్‌తోపాటు కమెడియన్లు వేసే ఆటో పంచులతో ఈ షో ప్రతి ఒక్కర్నీ ఎంతగానో ఆకర్షిస్తోంది. 

షోలో భాగంగా సుడిగాలి సుధీర్‌ టీమ్‌, రోజా మధ్య జరిగే సంభాషణలు తరచూ నవ్వులు పూయిస్తూనే ఉంటాయి. అయితే త్వరలో ప్రసారం కానున్న ఎపిసోడ్‌లో భాగంగా సుధీర్‌ టీమ్‌.. ఖైదీలుగా మారి.. తమకి కొన్ని డిమాండ్స్‌ ఉన్నాయనడంతో.. దాంతో రోజా.. తాను స్టేజ్‌పై నుంచి వెళ్లిపోతానంటూ వరుస పంచులు వేయనున్నారు. అంతేకాకుండా సుధీర్‌ స్కిట్‌ సమయంలో తాను కుర్చీలోనే ఉండనంటూ సరదాగా నవ్వులు పూయించనున్నారు. మరోవైపు రాకింగ్‌ రాకేశ్‌ చిన్నారులతో దెయ్యం గెటప్‌ వేసుకుని సెట్‌లో ప్రతిఒక్కర్నీ భయపెట్టనున్నారు. అదిరే అభి.. శివశంకర్‌ మాస్టర్‌ వచ్చే శుక్రవారం ‘ఎక్స్‌ట్రా జబర్దస్త్‌’ స్టేజీపై సందడి చేయనున్నారు. నవంబర్ 20న ప్రసారం కానున్న ‘ఎక్స్‌ట్రా జబర్దస్త్‌’ ప్రోమో చూసేయండి.