అది మాత్రం వద్దన్న సల్మాన్‌ ఖాన్‌

ఇంటర్నెట్‌ డెస్క్‌: బాలీవుడ్ నటుడు సల్మాన్‌ ఖాన్‌ తన బాడీగార్డులలో ఒకరి బర్త్‌డే పార్టీకి హాజరయ్యారు. ఈ వేడుకలో ఉత్సాహంగా పాల్గొన్న ఈ స్టార్‌ హీరో.. కేకు తినేందుకు మాత్రం నిరాకరించాడు. ఇందుకు సంబంధించిన వీడియో ఇప్పుడు నెట్టింట్లో వైరల్‌గా మారింది. సల్మాన్‌ అంగరక్షకుల్లో ఒకరైన జగ్గీ జన్మదినం సందర్భంగా శనివారం విందును ఏర్పాటు చేశారు. దీనిలో సల్మాన్‌ సహా పలువురు పాల్గొన్నారు. ఈ సందర్భంగా కేకును కోసిన జగ్గీ దానిని ఈ కండల వీరుడికి తినిపించబోయారు. మొదట దానిని తినేందుకు ముందుకు వచ్చిన సల్మాన్‌.. ఉన్నట్టుండి వద్దనేశాడు. ఈ చర్యతో అక్కడ ఉన్న జగ్గీ తదితరులు నవ్వుల్లో మునిగితేలారు.

సల్మాన్‌ ప్రస్తుతం బిగ్‌ బాస్‌ 14 రియాలిటీ షో వ్యాఖ్యాతగా వ్యవహరిస్తున్నారు. లాక్‌డౌన్‌ అనంతరం ఆయన తదుపరి చిత్రం ‘రాధే’ చిత్రీకరణ ప్రారంభమైంది. ప్రభుదేవా దర్శకత్వంలో రానున్న ఈ సినిమాలో దిశా పటానీ నాయికగా మెరవనున్నారు. సల్మాన్‌ మరో చిత్రం ‘అంతిమ్‌’ షూటింగ్‌ జరుగుతోంది. దీనిలో సల్మాన్‌ సిక్కు వ్యక్తి గెటప్‌లో కనిపించనున్నారు. ఈ చిత్రంలో తన చెల్లి అంకిత భర్త ఆయుష్‌ శర్మతో కలసి తొలిసారి నటించనుండటం మరో విశేషం.

ఇవీ చదవండి..

సన్నీ, ఇమ్రాన్‌ హష్మీ ఇతడి తల్లిదండ్రులట!

ఆర్మీ దుస్తుల్లో ఎవరబ్బా..