Barhma anandham: తండ్రీతనయులు తాత మనవళ్లుగా...

నిజ జీవితంలో తండ్రీ తనయులైన బ్రహ్మానందం, రాజా గౌతమ్‌ తెరపై తాత, మనవడుగా సందడి చేయనున్నారు. ‘బ్రహ్మా ఆనందం’ పేరుతోనే రూపొందనున్న ఆ సినిమాని స్వధర్మ్‌ ఎంటర్‌టైన్‌మెంట్స్‌ పతాకంపై రాహుల్‌ యాదవ్‌ నక్కా నిర్మిస్తున్నారు. ఆర్‌.వి.ఎస్‌.నిఖిల్‌ దర్శకత్వం వహిస్తున్నారు. బుధవారం ఓ వీడియోతో ఈ సినిమాని అధికారికంగా ప్రకటించారు. పట్టణ, గ్రామీణ సంస్కృతుల సమ్మేళనాన్ని ప్రతిబింబించే ఈ సినిమా ప్రీలుక్‌ పోస్టర్‌ని విడుదల చేశారు. త్వరలోనే రెగ్యులర్‌ చిత్రీకరణ ప్రారంభం కానున్న ఈ సినిమాని ఈ ఏడాది డిసెంబరు 6న విడుదల  చేయనున్నారు. ఇందులో వెన్నెల కిశోర్‌, ప్రియా వడ్లమాని, ఐశ్వర్య హోలక్కల్‌ కీలక పాత్రలు పోషిస్తున్నారు. ఛాయాగ్రహణం: మితేశ్‌ పర్వతనేని, సంగీతం: శాండిల్య పీసపాటి.