Naga Chaitanya: ‘థ్యాంక్ యూ’... నన్ను చాలా మార్చింది!
నవతరానికి ప్రతిబింబంలా కనిపిస్తుంటారు... నాగచైతన్య. మనలో ఒకడిలా కనిపించే ఆయన ప్రేమకథల్లో ఇట్టే ఒదిగిపోతారు.
నవతరానికి ప్రతిబింబంలా కనిపిస్తుంటారు... నాగచైతన్య (Naga Chaitanya). మనలో ఒకడిలా కనిపించే ఆయన ప్రేమకథల్లో ఇట్టే ఒదిగిపోతారు. భావోద్వేగాలతో కట్టిపడేస్తుంటారు. జీవితాలకి దగ్గరగా ఉండే కథలతో ప్రయాణం చేస్తున్న నాగచైతన్య ఇటీవల ‘థ్యాంక్ యూ’ (Thank You) చేశారు. విక్రమ్ కె.కుమార్ (Vikram K Kumar) దర్శకత్వం వహించిన ఆ చిత్రం శుక్రవారం ప్రేక్షకులు ముందుకొస్తోంది. ఈ సందర్భంగా నాగచైతన్య మంగళవారం హైదరాబాద్లో విలేకర్లతో ముచ్చటించారు. ఆ విషయాలివీ...
‘థ్యాంక్ యూ’ చేయడానికి ప్రేరేపించిన అంశాలేమిటి?
భావోద్వేగాలతో కూడిన అభిరామ్ పాత్ర ప్రయాణమే నాకు నచ్చింది. మనందరం కృతజ్ఞతతో మెలగాలని అతని ప్రయాణం చెబుతుంది. దర్శకుడు విక్రమ్, రచయిత బి.వి.ఎస్.రవి, నిర్మాత దిల్రాజు ఈ కథ గురించి చెప్పినప్పుడు నాలో ఒక ప్రత్యేకమైన ఆసక్తి ఏర్పడింది. ఇలాంటి కథల్ని దర్శకుడు విక్రమ్ కె.కుమార్ చాలా బాగా డీల్ చేస్తుంటారు. ‘మనం’ సినిమాని ఓ కథలా చెప్పుకొంటే సింపుల్గానే ఉంటుంది. దాన్ని విక్రమ్ అల్లిన తీరు ఎంతో ప్రత్యేకంగా ఉంటుంది. ఇందులోనూ ఆ మేజిక్ కనిపిస్తుంది.
ఇందులో మూడు కోణాల్లో సాగే పాత్రలో కనిపిస్తారట కదా?
చూడటానికి మూడు కోణాలే అనిపిస్తాయి కానీ... 16 ఏళ్ల టీనేజ్ కుర్రాడిగా మొదలుకొని 36 ఏళ్ల వ్యక్తి వరకు నాలుగైదు దశల్లో ఆ పాత్ర కనిపిస్తుంది. నాకు శారీరకంగా, మానసికంగా పలు రకాలుగా సవాళ్లనిచ్చిన చిత్రమిది. దిల్రాజు సంస్థలో 12 ఏళ్ల తర్వాత చేసిన సినిమా ఇది.
టీనేజర్ పాత్ర అనగానే నాగచైతన్య తప్ప మరొకరు గుర్తు రాలేదని దర్శకుడు చెప్పారు... దీనిపై మీ అభిప్రాయమేమిటి?
ఇప్పుడైతే టీనేజర్గా చేయగలను కానీ, ఇంకో మూడు నాలుగేళ్ల తర్వాత ఆ లుక్లో కనిపించలేను కదా (నవ్వుతూ). అయితే 16 ఏళ్ల కుర్రాడి లుక్ కోసం చాలా కష్టపడాల్సి వచ్చింది. ఆ పాత్ర కోసం చాలా బరువు తగ్గాను. నిర్మాతలూ తగినంత సమయం ఇచ్చారు. మూడు నెలలపాటు ప్రత్యేకమైన కసరత్తులు చేయడంతోపాటు, హావభావాల పరంగా కొన్ని వర్క్షాప్స్ చేసి కెమెరా ముందుకెళ్లా. స్వతహాగా నాకు ఓ పాత్రలో ఇలాంటి వైవిధ్యాన్ని ఇష్టపడతాను. ఇందులో మహేష్బాబుకి అభిమానిగా కనిపిస్తాను. ఒక ప్రత్యేకమైన టైమ్లైన్లో నడిచే కథ కాబట్టి ఆ సమయంలో వచ్చిన మహేష్ సినిమాల్ని కవర్ చేస్తూ స్క్రీన్ప్లే సాగుతుంది.
ఇన్ని దశలతో కూడిన పాత్ర చేస్తుంటే ‘ప్రేమమ్’ రోజులు గుర్తుకొచ్చాయా?
‘ప్రేమమ్’లో మూడు దశల్లోని ప్రేమకథలు కనిపిస్తాయి. ఇది జీవితానికి సంబంధించిన కథ. ఈ సినిమాలో నటిస్తూ వ్యక్తిగా చాలా మారాను. నేనెక్కువగా మాట్లాడను. ఇంతకుముందు మనసులో ఉన్న విషయాల్ని సగమే బయటికి చెప్పేవాణ్ని. ఇప్పుడు స్నేహితులు, కుటుంబ సభ్యులతో ఏదైనా అనిపిస్తే ఓపెన్గా చెప్పేస్తున్నా. మన తల్లిదండ్రులకీ థ్యాంక్ యూ చెప్పాలనుకున్నా మనం ఆగిపోతుంటాం. అది వాళ్లపైనున్న గౌరవంతోనే అయినా, కాసేపు దాన్ని పక్కనపెట్టి థ్యాంక్ యూ అని చెబితే మనసుకు చాలా బాగుంటుంది.
‘లవ్స్టోరి’, ‘లాల్సింగ్ చద్దా’, ‘థ్యాంక్ యూ’, ‘దూత’ తీరిక లేకుండా ఉన్నట్టున్నారు?
ఇవన్నీ కరోనాకి ముందు ఒప్పుకొన్న సినిమాలే. ‘లాల్సింగ్ చద్దా’ ప్రాజెక్ట్ లాక్డౌన్ సమయంలో వచ్చింది. నెల రోజుల్లో రెండు సినిమాలు విడుదలవుతున్నాయంటే కారణం అదే. కొవిడ్ సమయంలో ప్రేక్షకులు రకరకాల సినిమాలు చూసి అభిరుచుల్ని మార్చుకున్నారు. ట్రైలర్ చూసే చిత్రం చూడాలో? వద్దో? నిర్ణయిస్తున్నారు. అందుకే ఇప్పుడు కథల ఎంపికలో నా ఆలోచనా తీరు మారింది.
వెంకట్ ప్రభు దర్శకత్వంలో చేస్తున్న సినిమా ఎలా ఉంటుంది?
నా స్టైల్లోనే సాగే ఓ మాస్ చిత్రం అది. సెన్సిబుల్గా సాగే ఓ తెలివైన కథ. ఇందులో నేను పోలీస్ అధికారిగా కనిపిస్తా. తను తీసిన ‘మానాడు’ నాకు బాగా నచ్చేసింది. ఆ సినిమా హక్కుల గురించి ఏవో సమస్యలు రావడంతో దాన్ని చేయలేకపోయా. ‘మానాడు’ (Maanaadu) కంటే ముందే వెంకట్ ప్రభు నాకు చెప్పిన కథతోనే ఇప్పుడు సినిమా చేస్తున్నా. అయితే ‘మానాడు’ కథని ఇప్పుడు రానా తీసుకున్నాడు.
పరశురామ్, తరుణ్ భాస్కర్లు కథలు చెప్పారట కదా, ఆ సినిమాలు ఎప్పుడుంటాయి?
పరశురామ్ ఈమధ్యే కలిశాడు. కథ గురించి మాట్లాడుకున్నాం. పూర్తిస్థాయి స్క్రిప్ట్తో వచ్చాక ఆ సినిమా ఎప్పుడనేది చెబుతాం. తరుణ్ భాస్కర్తోనూ ఓ కథ చర్చల్లో ఉంది. ‘ధూత’ సినిమా చిత్రీకరణ పూర్తయింది. హారర్ కథతో ఆ చిత్రం రూపొందింది.
* ‘‘ప్రేమకథలు, భావోద్వేగాలతో కూడిన కథల్లోనే ప్రేక్షకులు నన్ను చూడటానికి ఇష్టపడుతుంటారు. దాంతో వాణిజ్య ప్రధానంగా సాగే ఫార్మాట్కి నప్పుతానో లేదో అనే సందేహం వెంటాడుతూ ఉంటుంది. గతంలో యాక్షన్ కథలు ప్రయత్నించాను అవి అంతగా ఆకట్టుకోలేదు. అందుకే ‘బంగార్రాజు’ (Bangarraju) విషయంలో కొంచెం ఆలోచించాను. పైగా నాన్న పక్కన నటించేటప్పుడు చిన్న భయం ఉంటుంది. కొత్త దర్శకులతో సినిమాలు చేయకూడదనేమీ లేదు. గతంలో చాలానే చేశా. కానీ, అనుకున్న ఫలితాలు రాలేదు. అది వాళ్ల తప్పు కాదు. కథల ఎంపికలో నాలోనే ఇంకా పరిణతి పెరగాలనుకుంటున్నా’’.
* ‘‘కరోనా వల్ల ప్రేక్షకులు ఇంట్లో కూర్చుని సినిమాని ఆస్వాదించడం అలవాటైంది. అందులో తప్పేమీ లేదు. సమయం అలా మార్చింది. ఇప్పుడు పరిశ్రమగా మేం దానికి తగ్గట్టుగా మారాలి. ప్రేక్షకుడిని మళ్లీ థియేటర్కి తీసుకురావాలంటే దానికి తగ్గట్టుగా కంటెంట్ సిద్ధం చేయాలి. మొన్న ‘విక్రమ్’ (Vikram) ఆదరణ పొందింది కదా? ట్రైలర్, టీజర్లోనే ఓ ప్రత్యేకతని ప్రదర్శించాలి. సినిమాపై పెట్టుబడి తీరూ మారాలి. అందరూ పారితోషికాల్ని లాభాల నుంచి తీసుకునేలా మాట్లాడుకోవాలి. ఓటీటీ వేదికల్లో విడుదల చేయడంపైనా అందరూ కలిసి ఓ నిర్ణయం తీసుకోవాలి’’.
* ‘‘ఆమిర్ఖాన్తో కలిసి ‘లాల్సింగ్ చద్దా’ (Laal Singh Chaddha) కోసం చేసిన ప్రయాణం గుర్తుండిపోతుంది. ఆయన్ని చూస్తూనే మనం నేర్చుకుంటాం. ఈ సినిమా చిరంజీవి (Chiranjeevi) సమర్పణలో విడుదలవుతుండడం ఆనందంగా ఉంది. కొత్తగా హిందీ సినిమాలేవీ ఒప్పుకోలేదు. ముందు నన్ను ఆ ప్రేక్షకులు స్వీకరించాలి. అప్పుడే బాలీవుడ్ చిత్రాల గురించి ఆలోచిస్తా’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దేవకన్యలా జాన్వీకపూర్.. అందమైన ఫొటోతో దివి ప్రేమ
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘నువ్వు లేకపోయినా ఫర్వాలేదు’ అంటూ నెటిజన్ కామెంట్.. హీరో ఏమన్నారంటే?
‘నువ్వు లేకపోయినా ఫర్వాలేదు’ అని ఓ నెటిజన్ కామెంట్ చేయగా సుశాంత్ ఏమన్నారంటే? -
సోనాక్షీతో ఇంటిమేట్ సీన్స్.. అందుకే సిగ్గుపడ్డాను: ‘హీరామండి’ నటుడు
‘హీరామండి’లో సోనాక్షీతో తన సన్నివేశాల గురించి నటుడు ఇంద్రేష్ మాలిక్ స్పందించారు. -
ఓటీటీలోకి హారర్ కామెడీ థ్రిల్లర్.. స్ట్రీమింగ్ ఎప్పుడంటే
‘గీతాంజలి మళ్లీ వచ్చింది’ ఓటీటీలోకి వచ్చేందుకు సిద్ధమైంది. -
శ్రీదేవికి రజనీ కంటే ఎక్కువ పారితోషికం
దివంగత తార శ్రీదేవిని అభిమానులు భారతదేశపు తొలి మహిళా సూపర్స్టార్ అని సంబోధిస్తుంటారు. -
‘దేవర’ ఎన్టీఆర్కు ప్రత్యేక చిత్రంగా నిలుస్తుంది: కొరటాల శివ
‘దేవర’ సినిమా ఎన్టీఆర్కు ప్రత్యేకమైన చిత్రంగా నిలుస్తుందని కొరటాల శివ అన్నారు. -
సమంత ఫొటోపై చర్చ.. ఆగ్రహం వ్యక్తం చేస్తోన్న అభిమానులు
సమంత (Samantha) ఒక ఫొటో షేర్ చేసి డిలీట్ చేశారంటూ సోషల్ మీడియాలో ప్రచారం జరుగుతోంది. -
10 గంటల పాటు డంప్యార్డ్లో ధనుష్.. నెట్టింట ప్రశంసలు
‘కుబేర’ కోసం ధనుష్ చేసిన పనిని నెటిజన్లు ప్రశంసిస్తున్నారు. -
ఈ వారమూ చిన్న చిత్రాలదే హవా.. థియేటర్/ఓటీటీ చిత్రాలివే!
గతవారం వైవిధ్యమైన చిత్రాలు బాక్సాఫీస్ వద్ద అలరించగా, మే రెండో వారంలో చిన్న చిత్రాలు బాక్సాఫీస్ వద్ద సందడి చేసేందుకు సిద్ధమయ్యాయి. మరి థియేటర్తో పాటు, ఓటీటీలో వస్తున్న చిత్రాలేంటో చూసేయండి. -
తెలుగు దర్శకుల.. బాలీవుడ్ దండయాత్ర
పాన్ ఇండియా ట్రెండ్ ఊపందుకున్నాక లెక్కలన్నీ మారిపోయాయి. బాలీవుడ్.. టాలీవుడ్ అనే హద్దులు క్రమంగా తెరమరుగవుతున్నాయి. ఎవరైనా ఎక్కడైనా సినిమా చేసేయొచ్చన్న ధీమా.. -
సలార్ 2 ఈ నెలాఖరు నుంచే
ఏకకాలంలో రెండు మూడు సినిమాలతో ప్రయాణం చేయడంలో ప్రభాస్ రాటుదేలారు. కొన్నేళ్లుగా ఆయన ప్రయాణం అదే తరహాలోనే సాగుతోంది. -
కరీనా స్థానంలో నయన్?
‘కేజీఎఫ్’ విజయాల తర్వాత యశ్ కథానాయకుడిగా నటిస్తున్న చిత్రం ‘టాక్సిక్’. గీతూ మోహన్దాస్ తెరకెక్కిస్తోన్న ఈ సినిమాని కేవీఎన్ ప్రొడక్షన్స్ సంస్థ నిర్మిస్తోంది. -
సన్నీ.. తులసీల ప్రేమ కథ
‘బవాల్’ తర్వాత వరుణ్ ధావన్- జాన్వీ కపూర్ మళ్లీ జోడిగా నటిస్తున్న చిత్రం ‘సన్నీ సంస్కారీ కీ తులసీ కుమారి’. ఈ రొమాంటిక్ లవ్స్టోరీని శశాంక్ ఖైతాన్ తెరకెక్కిస్తున్నారు. -
కోల్పోయిన అవకాశం తిరిగొచ్చింది
‘ఎవరి సినిమాలోనైతే నటించే అవకాశం కోల్పోయానో.. ఇప్పుడు ఆయన చిత్రంలోనే భాగమయ్యే అవకాశం లభించడం నా అదృష్టం’ అంటోంది ప్రగ్యా జైస్వాల్. -
మనసుల్ని హత్తుకునే.. రాజు యాదవ్
‘‘నవ్విస్తూనే... మనసుల్ని హత్తుకునేలా భావోద్వేగాల్ని పంచుతుంది ‘రాజుయాదవ్’. ఇలాంటి ఓ మంచి సినిమాని అందరూ ప్రోత్సహించాలి’’ అన్నారు తేజ సజ్జా. -
ధ్రువ్ విక్రమ్.. కబడ్డీ ఆటగాడిగా
విలక్షణ దర్శకుడు మారి సెల్వరాజ్ తాజాగా స్పోర్ట్స్ డ్రామా నేపథ్యంతో ఓ సినిమాని తెరకెక్కిస్తున్నారు. ఇందులో ధ్రువ్ విక్రమ్ కథానాయకుడు. దిగ్గజ కబడ్డీ ఆటగాడు మనతి గణేశన్ జీవితం ఆధారంగా ఇది రూపొందుతోంది. -
ఆ సిబిల్ స్కోర్ చూస్తే జాతకం బయటపడుతుంది: ‘కర్మ’పై పూరి జగన్నాథ్
ప్రముఖ దర్శకుడు పూరి జగన్నాథ్ ‘కర్మ’ గురించి తన యూట్యూబ్ ఛానల్ వేదికగా పలు ఆసక్తికర అంశాలు పంచుకున్నారు. -
కోక కట్టిన మీనాక్షి.. హీటెక్కించిన దిశాపటానీ..
ఇన్స్టా వేదికగా మన సినీతారలు లేటెస్ట్ అప్డేట్స్తో వచ్చేశారు. ఆదివారం ఏయే పిక్స్తో అలరించారో మీరూ చూసేయండి
తాజా వార్తలు (Latest News)
-
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
-
ఇరాన్లో వేధింపులు తట్టుకోలేక.. పడవతో సహా భారత్కు చేరుకొన్న మత్స్యకారులు..!
-
బీఎస్ఎన్ఎల్ యూజర్లకు గుడ్న్యూస్.. ఆగస్టు నుంచి 4జీ సేవలు
-
దేవకన్యలా జాన్వీకపూర్.. అందమైన ఫొటోతో దివి ప్రేమ
-
రఫాపై ఇజ్రాయెల్ దండయాత్ర.. దాడులు మొదలుపెట్టిన సైన్యం!
-
నన్ను గదిలో బంధించి దాడి చేశారు: రాధికా ఖేడా తీవ్ర ఆరోపణలు