Jailer 2: ‘జైలర్‌2’ సిద్ధమా?

2023లో ఘన విజయాన్ని సొంతం చేసుకున్న చిత్రాల్లో ‘జైలర్‌’ ఒకటి. రజనీకాంత్‌ కథానాయకుడిగా నెల్సన్‌ దర్శకత్వంలో తెరకెక్కింది. సన్‌ పిక్చర్స్‌ పతాకంపై కళానిధి మారన్‌ నిర్మించారు. బాక్సాఫీస్‌ దగ్గర సంచలన విజయాన్ని నమోదు చేసిందీ చిత్రం. రూ. 600  కోట్లకుపైగా వసూళ్లు కొల్లగొట్టిన ఈ చిత్రం కొనసాగింపు కోసం రంగం సిద్ధమైనట్టు తెలుస్తోంది. ‘జైలర్‌ 2’ పేరుతో సామాజిక మాధ్యమాల్లో చర్చ కొనసాగుతోంది. దర్శకుడు నెల్సన్‌ స్క్రిప్ట్‌ సిద్ధం చేసే పనిలో ఉన్నారని, ఇదొక ఫ్రాంచైజీగా మారనుందనేది తమిళ సినీవర్గాల మాట. ప్రస్తుతం రజనీకాంత్‌ ‘వేట్టయాన్‌’ అనే సినిమా చేస్తున్నారు. టి.జె.జ్ఞానవేల్‌ దర్శకత్వం వహిస్తున్నారు. ఇది పూర్తయ్యాక ‘జైలర్‌ 2’ పట్టాలెక్కే అవకాశాలున్నట్టు సమాచారం.