Karthi: నేను దిల్లీ వెళ్లినా ‘ఢిల్లీ’ గురించే చర్చ
వైవిధ్యభరితమైన కథలతో అలరిస్తూ.. తమిళ్తో పాటు తెలుగులోనూ మంచి క్రేజ్ సంపాదించుకున్నారు కథానాయకుడు కార్తి. ఇటీవలే ‘పొన్నియిన్ సెల్వన్’తో ప్రేక్షకుల్ని పలకరించిన ఆయన.. ఇప్పుడు ‘సర్దార్’గా అలరించేందుకు సిద్ధమయ్యారు.
వైవిధ్యభరితమైన కథలతో అలరిస్తూ.. తమిళ్తో పాటు తెలుగులోనూ మంచి క్రేజ్ సంపాదించుకున్నారు కథానాయకుడు కార్తి (Karthi). ఇటీవలే ‘పొన్నియిన్ సెల్వన్’తో ప్రేక్షకుల్ని పలకరించిన ఆయన.. ఇప్పుడు ‘సర్దార్’గా (Sardar) అలరించేందుకు సిద్ధమయ్యారు. ‘అభిమన్యుడు’ ఫేమ్ పి.ఎస్.మిత్రన్ తెరకెక్కించిన చిత్రమిది. తెలుగులో అన్నపూర్ణ స్టూడియోస్ సంస్థ విడుదల చేస్తోంది. ఇది శుక్రవారం ప్రేక్షకుల ముందుకొస్తున్న నేపథ్యంలో విలేకర్లతో ముచ్చటించారు కార్తి. ఈ సందర్భంగా ఆయన పంచుకున్న విశేషాలివి..
తాజాగా ‘పొన్నియిన్ సెల్వన్’తో హిట్ అందుకున్నారు. నెల వ్యవధిలోనే ‘సర్దార్’తో వస్తున్నారు. ఎలా అనిపిస్తుంది?
‘‘చాలా హ్యాపీ. నిజానికి ‘పొన్నియిన్ సెల్వన్’ వేసవికి రావల్సింది. కొంచెం ఆలస్యమైనా గొప్ప విజయాన్ని అందుకుంది. ఇలాంటి హిట్ తర్వాత ఓ సినిమా తీసుకురావాలంటే కచ్చితంగా కొత్తగా.. స్పెషల్గా ఉండాలి. అలా ఇండియన్ స్పై థ్రిల్లర్గా ‘సర్దార్’ వస్తోంది. తొలిసారి తండ్రీ కొడుకుల పాత్రల్లో కనిపించనున్నా. కథ ప్రకారం దీంట్లో చాలా గెటప్స్ ఉన్నాయి. నేనిప్పటి వరకు నేర్చుకున్న దానికి ఇదొక పరీక్షలా ఉంది (నవ్వుతూ)’’.
ఈ చిత్ర కథేంటి? మీ పాత్రలు ఎలా ఉండనున్నాయి?
‘‘దర్శకుడు మిత్రన్ ‘అభిమన్యుడు’లో డిజిటల్ క్రైమ్ వరల్డ్ని చూపించారు. అది చాలా కొత్తగా.. షాకింగ్గా అనిపించింది కదా. ‘సర్దార్’లోనూ అలాంటి ఆసక్తికర అంశాలు చాలా ఉన్నాయి. ట్రైలర్లో ఒక ఫైల్ మిస్ అయినట్లు చూపించాం. అందులో మనం బతకడానికి అవసరమైన కొన్ని ముఖ్యమైన విషయాలున్నాయి. ఈ కథ వినకముందు దాని గురించి నాకు పెద్ద ఆలోచనే లేదు. విన్నాక మాత్రం భయమనిపించింది. ఈ సినిమా చూసిన తర్వాత ప్రతిఒక్కరూ కొన్ని మామూలు అలవాట్లు కూడా మార్చుకుంటారనే నమ్మకం ఉంది. ఒక గ్రామంలో పుట్టి పెరిగిన రంగస్థల నటుడు గూఢచారిగా మారి ఏం చేశాడన్నదే చిత్ర కథాంశం. దీన్ని మిత్రన్ తెరపై అద్భుతంగా చూపించాడు. దీంట్లో నేను పోషించిన రెండు పాత్రలు చాలా భిన్నంగా ఉంటాయి. సమాజం నుంచి ఏమీ ఆశించని పాత్రగా సర్దార్ కనిపిస్తే.. ప్రతి చిన్నదానికీ ప్రచారం కోరుకునే పోలీస్గా మరో పాత్ర కనిపిస్తుంది’’.
‘సర్దార్’గా వయసు పైబడ్డ పాత్ర పోషించడానికి ఎలా సిద్ధమయ్యారు?
‘‘60ఏళ్లకు శరీరంలో ఎలాంటి మార్పులు వస్తాయని మా నాన్నని అడిగా. అయితే ఆయనకు యోగా అలవాటు ఉంది. దాని వల్ల తన శరీరంలో ఎలాంటి మార్పులు రాలేదు. నాజర్ని అడిగితే.. మోకాళ్ల నొప్పుల వల్ల మెట్లు ఎక్కడం కొంచెం ఇబ్బందిగా అనిపిస్తుందన్నారు. అలాగే మాట్లాడినప్పుడు నోటి నుంచి ఎక్కువ గాలి వస్తుందని చెప్పారు. అయితే గెటప్ వేసుకుంటే వయసు పైబడ్డ వ్యక్తిలా కనిపించొచ్చు కానీ, ఈ సర్దార్ యాక్షన్ కూడా చేయాలి. అలాగే దీనికి పోలీస్ పాత్రకు మధ్య వ్యత్యాసం చూపించాలి. అందుకే ఈ విషయాల్లో చాలా జాగ్రత్తలు తీసుకున్నాం. నా కెరీర్లో అత్యంత సవాల్తో కూడిన పాత్ర ‘సర్దార్’. దీన్ని ఓ రియల్ పాత్ర స్ఫూర్తితో డిజైన్ చేశారు. ఆ పాత్ర సంకేత నామం టైగర్. భారత్లో పుట్టిన ఆయన.. పాకిస్థాన్ ఆర్మీలో జనరల్ స్థాయికి ఎదిగారు. ఈ చిత్ర కథకు ఆయనే స్ఫూర్తి. ‘ఖైదీ’ చేసేటప్పుడు ఒక హాలీవుడ్ సినిమాకి దీటుగా ఉండాలని తీశాం. ఇప్పుడీ చిత్రాన్ని కూడా అలా ఓ హాలీవుడ్ మూవీలాగే తెరకెక్కించాం’’.
వైవిధ్యభరితమైన భారీ చిత్రాలు చేస్తున్నప్పుడు ఒత్తిడి ఏమైనా ఉంటుందా? పాన్ ఇండియా ట్రెండ్ మీపై ఎలాంటి ప్రభావం చూపిస్తుంది?
‘‘కాష్మోరా’, ‘ఖాకీ’, ‘ఖైదీ’, ‘పొన్నియిన్ సెల్వన్’.. ఇలా నేను ఎలాంటి వైవిధ్యభరిత చిత్రం చేసినా ప్రేక్షకులు ఆదరిస్తున్నారు. వారు ఇస్తున్న ప్రోత్సాహంతోనే ఇలాంటి వైవిధ్యభరిత చిత్రాలు మరిన్ని చేయాలన్న ఉత్సాహం కలుగుతోంది. అంతే తప్ప ఒత్తిడి ఎప్పుడూ ఉండదు. పాన్ ఇండియా ట్రెండ్ వల్ల ప్రాంతీయ, భాషా హద్దులు చెరిగిపోయాయి. నిజానికి పాన్ ఇండియా ప్లాన్ చేస్తే వచ్చేది కాదు. మన ప్రేక్షకులకు ఏది నచ్చుతుందో ముందు దాన్ని చూసుకోవాలి. రాజమౌళి ‘బాహుబలి’ని తెలుగు ప్రేక్షకుల కోసం తీశారు. కానీ, అది పాన్ వరల్డ్ స్థాయికి వెళ్లింది. సినిమా, కాన్సెప్ట్ బాగుంటే ఆటోమెటిక్గా పాన్ ఇండియా ఆడుతుంది’’.
‘ఖైదీ2’ ఎలా ఉండబోతుంది?
‘‘నేను దిల్లీకి వెళ్లినా నా ఢిల్లీ పాత్ర గురించే అడుగుతున్నారు (నవ్వుతూ). ‘విక్రమ్’ తర్వాత ‘ఖైదీ2’పై మరిన్ని అంచనాలు పెరిగాయి. ఈ చిత్రం కచ్చితంగా వచ్చే ఏడాది సెట్స్పైకి వెళ్తుంది. దీని గురించి ఇంతకు మించి ఏం చెప్పలేను. కొన్ని కథలు చర్చల దశలో ఉన్నాయి. వాటి వివరాలు త్వరలో వెల్లడిస్తా’’.
ఇలాంటి కథలు అందరికీ కనెక్ట్ అవుతాయి. కానీ, దీన్ని పాన్ ఇండియా స్థాయిలో ఎందుకు విడుదల చేయట్లేదు?
‘‘ఈ చిత్రంలో ప్రతినాయకుడిగా చేసిన చుంకీ పాండే ‘ఇది పాన్ ఇండియా సినిమా’ అని మొదటి రోజు నుంచి చెబుతూనే ఉన్నారు. కాకుంటే ఇప్పుడు హిందీలో కొన్ని సినిమాలు విడుదలకు రెడీగా ఉన్నాయి. అందుకే ఒక వారం తర్వాత బాలీవుడ్లో విడుదల చేయాలన్న ఆలోచన ఉంది. ఏదేమైనా ఇది అందరికీ కనెక్ట్ అయ్యే సినిమా. దీపావళికి కుటుంబంతో కలిసి ఈ చిత్రాన్ని ఎంజాయ్ చెయ్యొచ్చు’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మునుపటి మెరుపులు ఎప్పుడో!
ఒకప్పుడు వరుస అవకాశాలకి చిరునామాగా నిలిచారు. కొందరు అందంతోనూ... మరి కొందరు విజయాలతోనూ కట్టి పడేశారు. చిత్రసీమ దృష్టిని ప్రత్యేకంగా ఆకర్షించారు. భవిష్యత్తంతా వీళ్లదే అనుకునేలోపే పరాజయాలు ఎదురయ్యాయి. -
విరామం తర్వాత జూన్లో సెట్లోకి
గతేడాది బ్లాక్బస్టర్ హిట్లతో ప్రేక్షకులను అదరగొట్టారు బాలీవుడ్ అగ్రకథానాయకుడు షారుక్ ఖాన్. ఇప్పటి వరకూ ఆయన తదుపరి ప్రాజెక్టుల గురించి ఎలాంటి విషయాలు బయటికి రాలేదు. -
గ్రామీణ నేపథ్యంలో యాక్షన్ కథ
కథానాయకుడు విజయ్ దేవరకొండ కొత్త సినిమాని శనివారం అధికారికంగా ప్రకటించారు. గ్రామీణ నేపథ్యంలో సాగే యాక్షన్ డ్రామా కథతో తెరకెక్కనున్న ఈ చిత్రానికి రవికిరణ్ కోలా దర్శకత్వం వహిస్తున్నారు. -
యూనిసెఫ్ ఇండియా ప్రచారకర్తగా కరీనా
ఐక్యరాజ్య సమితికి అనుబంధ సంస్థ అయిన యూనిసెఫ్ ఇండియా తన కొత్త జాతీయ ప్రచారకర్తగా బాలీవుడ్ కథానాయిక కరీనా కపూర్ను నియమించినట్లు శనివారం ప్రకటించింది. ‘‘బాలీవుడ్ ప్రముఖ కథానాయిక కరీనా కపూర్ ఎన్నో జాతీయ ప్రచారాలకు, కార్యక్రమాలకు మద్దతుగా నిలిచారు. -
19న డైరెక్టర్స్ డే వేడుకలు
‘‘‘దర్శకులకే కాకుండా... సినీ పరిశ్రమలోని కార్మికుల్లో ఎవరికి ఏ సమస్య వచ్చినా పరిష్కరించేందుకు చొరవ చూపిన పరిశ్రమ పెద్ద దిక్కు దాసరి నారాయణరావు. ఆయన సేవలు ఎప్పటికీ గుర్తుంటాయి’’ అన్నారు తెలుగు చలన చిత్ర దర్శకుల సంఘం అధ్యక్షుడు వీరశంకర్. -
తెలుగుదనం ఉట్టిపడేలా... లగ్గం
‘పెళ్లి... షాదీ... లగ్గం... వివాహం... ఒక్కొక్క చోట ఒక్కో పిలుపు, ఒక్కో ఆచారం. కానీ మా ‘లగ్గం’ అన్ని ప్రాంతాలు, అన్ని వర్గాలనీ అలరిస్తుంది. వాళ్ల లగ్గమో, బంధువుల లగ్గమో గుర్తొచ్చేలా చేస్తుంద’ని చెబుతోంది చిత్రబృందం. -
శ్రీలీల సమ్మర్ షో.. అరియానా హాట్ ‘గ్లో’
సామాజిక మాధ్యమాల వేదికగా సినీతారలు పంచుకున్న ఆసక్తికర అప్డేట్స్ మీకోసం.. -
ఓటీటీలో విజయ్ ఆంటోనీ కొత్త మూవీ.. స్ట్రీమింగ్ ఎప్పుడంటే?
విజయ్ ఆంటోనీ, మృణాళిని రవి జంటగా నటించిన ‘రోమియో’ ఓటీటీలో వచ్చేందుకు సిద్ధమైంది.