Malavika Sharma: గోపీచంద్‌కు జోడీగా..

ఇటీవలే ‘రామబాణం’ సినిమాతో సినీప్రియుల్ని పలకరించారు కథానాయకుడు గోపీచంద్‌. ఇప్పుడు కన్నడ దర్శకుడు ఎ.హర్షతో ఓ చిత్రం చేస్తున్నారు. కె.కె.రాధామోహన్‌ నిర్మాత. ఈ సినిమా కోసం కథానాయికగా మాళవిక శర్మను ఖరారు చేసినట్లు సమాచారం. రవితేజ ‘నేల టిక్కెట్టు’ సినిమాతో తెలుగు తెరకు పరిచయమైన మాళవిక.. ఆ వెంటనే రామ్‌తో కలిసి ‘రెడ్‌’ చిత్రంలో సందడి చేసింది. ఆ తర్వాత మళ్లీ తెరపై కనిపించని ఈ అమ్మడు ఇప్పుడు మళ్లీ గోపీచంద్‌ సినిమాతో తెలుగులోకి తిరిగి రానుంది. ఇప్పటికే కథా చర్చలు పూర్తయ్యాయని, స్క్రిప్ట్‌ నచ్చడంతో ఆమె సినిమా చేసేందుకు సంసిద్ధత వ్యక్తం చేసిందని తెలిసింది. ఇది గోపీచంద్‌కు 31వ సినిమా. కమర్షియల్‌ యాక్షన్‌ ఎంటర్‌టైనర్‌గా ముస్తాబవుతోంది.