ఆహాలో ‘మోస్ట్‌ ఎలిజిబుల్‌ బ్యాచ్‌లర్‌’.. ట్రైలర్‌ చూశారా?

ఇంటర్నెట్‌ డెస్క్: అఖిల్‌ అక్కినేని, పూజా హెగ్డే జంటగా నటించిన చిత్రం ‘మోస్ట్‌ ఎలిజిబుల్‌ బ్యాచ్‌లర్‌’. బొమ్మరిల్లు భాస్కర్‌ దర్శకుడు. అక్టోబరు 15న థియేటర్లలో విడుదలై ప్రేక్షకులను మెప్పించిన ఈ చిత్రం ఇప్పుడు ఓటీటీ వేదికగా సందడి చేసేందుకు సిద్ధమైంది. ప్రముఖ ఓటీటీ ‘ఆహా’లో ఈనెల 19 నుంచి స్ట్రీమింగ్‌కానుంది. పెళ్లి జీవితం బాగుండాలంటే కెరీర్‌ బాగుండాలని నమ్మే వ్యక్తి (హర్ష)గా అఖిల్‌, స్టాండప్‌ కమెడియన్‌ (విభావరి)గా పూజా హెగ్డే కనిపించి ఆకట్టుకున్నారు. తాజాగా ఇందుకు సంబంధించిన ట్రైలర్‌ను ఆహా విడుదల చేసింది. ఆద్యంతం నవ్వులు పంచేలా, భావోద్వేగ భరితంగా సాగిన ట్రైలర్‌ మీరూ చూసేయండి.