Maestro Review: రివ్యూ: మాస్ట్రో
Maestro Review: నితిన్ కీలక పాత్రలో నటించిన ‘మ్యాస్ట్రో’ సినిమా ఎలా ఉందంటే?
చిత్రం: మాస్ట్రో; నటీనటులు: నితిన్, తమన్నా, నభా నటేశ్, జిషు సేన్ గుప్త, నరేశ్, శ్రీముఖి తదితరులు; సంగీతం: మహతి స్వర సాగర్; సినిమాటోగ్రఫీ: జె.యువరాజ్; ఎడిటింగ్: ఎస్.ఆర్. శేఖర్; నిర్మాత: సుధాకర్రెడ్డి, నిఖితారెడ్డి; దర్శకత్వం: మేర్లపాక గాంధీ; బ్యానర్: శ్రేష్ఠ్ మూవీస్; విడుదల: డీస్నీ+హాట్స్టార్
జయాపజయాలతో సంబంధం లేకుండా వరుస చిత్రాలతో ప్రేక్షకులను అలరిస్తున్న యువ నటుడు నితిన్. ఈ ఏడాది ఇప్పటికే రెండు చిత్రాలతో అలరించిన ఆయన ముచ్చటగా మూడో చిత్రం ‘మాస్ట్రో’తో ప్రేక్షకుల ముందుకు వచ్చారు. బాలీవుడ్లో ఘన విజయం సాధించిన ‘అంధాదున్’ రీమేక్గా ఈ చిత్రం తెరకెక్కింది. అక్కడ ఆయుష్మాన్ ఖురానా పోషించిన పాత్రలో నితిన్ ఎలా నటించారు? తెలుగు రీమేక్లో దర్శకుడు మేర్లపాక గాంధీ ఏ మార్పులు చేశారు?
కథేంటంటే: అరుణ్(నితిన్)కు 14ఏళ్ల వయసులో క్రికెట్ బాల్ తగలడం వల్ల కంటి చూపుపోతుంది. అయితే, అతనిలో ఉన్న టాలెంట్ ఏంటంటే పియానో చక్కగా వాయించడం. తన పియానో పాడైపోవడంతో కొత్తది కొనుక్కోవాలని చూస్తాడు. ఈ క్రమంలోనే ఓ రెస్టారెంట్లో అమ్మకానికి ఉన్న పియానో కొందామని వెళ్తాడు. అక్కడే ఆ రెస్టారెంట్ ఓనర్ కుమార్తె సోఫి(నభా నటేశ్)తో పరిచయం ఏర్పడి, అది ప్రేమగా మారుతుంది. అదే రెస్టారెంట్కు తరచూ వస్తుంటాడు ఒకప్పటి హీరో అయిన మోహన్(నరేశ్). అరుణ్లోని టాలెంట్ చూసి తన వివాహ వార్షికోత్సవం సందర్భంగా ఇంటికి వచ్చి పియానో వాయించమని చెబుతాడు. అరుణ్.. మోహన్ ఇంటికి వెళ్లే సరికి అతడు హత్యకు గురవుతాడు. ఇంతకీ ఈ హత్య చేసిందెవరు? దీనికీ మోహన్ భార్య సిమ్రన్(తమన్నా), బాబీ(జిషు సేన్ గుప్త)లకు సంబంధం ఏంటి? అంధుడైన అరుణ్ ఆ హత్య విషయాన్ని పోలీసులకు చెప్పాడా? మోహన్ హత్య అనంతరం అరుణ్ ఎదుర్కొన్న విపత్కర పరిస్థితులు ఏంటి? అసలు అరుణ్కు కళ్లు ఎలా పోయాయి? తెలియాలంటే సినిమా చూడాల్సిందే!
ఎలా ఉందంటే: ఒక భాషలో విజయవంతమైన చిత్రాన్ని మరో భాషలో రీమేక్ చేస్తున్నారంటే ప్రేక్షకులు కచ్చితంగా రెండు చిత్రాలకూ పోలిక పెడతారు. అందులో ఉన్నది.. ఇందులో లేనిది ఏంటని శూలశోధన చేస్తారు. బాలీవుడ్లో విజయవంతమైన ‘అంధాదున్’ తెలుగులో రీమేక్ చేస్తున్నారనే విషయం తెలిసిన తర్వాత ఎలా తెరకెక్కిస్తారా? అని అందరూ ఆసక్తిగా ఎదురు చూశారు. ఈ విషయంలో దర్శకుడు మేర్లపాక గాంధీ నూరుశాతం విజయం సాధించారు. మాతృకలోని ఆత్మ ఏ మాత్రం చెడకుండా ‘అంధాదున్’ను ‘మాస్ట్రో’గా మలిచిన తీరు బాగుంది. అంధుడైన అరుణ్ డైలీ లైఫ్, పియానోపై అతనికున్న పట్టును చూపిస్తూ కథను ప్రారంభించాడు దర్శకుడు. ఒక్కో సన్నివేశాన్ని అల్లుకుంటూ కథలోకి తీసుకెళ్లే ప్రయత్నం చేశాడు. ఆయా సన్నివేశాలన్నీ సరదాగా, ఉత్కంఠగా సాగుతాయి. అంధుడైన అరుణ్ నటన నవ్వులు పూయించడంతో పాటు, అలరించేలా సాగుతుంది. నటుడు మోహన్ ఇంటికి అరుణ్ వెళ్లిన సమయానికి అప్పటికే అక్కడ హత్య జరిగి ఉండటంతో కథ కీలక మలుపు తీసుకుంటుంది. అరుణ్ పరిస్థితి ఏంటో చూస్తున్న ప్రేక్షకుడికి ముందే తెలియడంతో హత్య గురించి అతను పోలీసులకు ఎలా చెబుతాడు? చెప్పేందుకు చేసే ప్రయత్నాలు ఉత్కంఠగా సాగుతూనే నవ్వులు పంచుతాయి.
అరుణ్ అంధుడు కాదేమోనని, సిమ్రన్, పోలీస్ ఆఫీసర్ బాబీ చేసే ప్రయత్నాలు అలరిస్తాయి. విరామ సమయానికి సిమ్రన్ చేసిన పని కారణంగా అరుణ్కు ఒక విపత్కర పరిస్థితి ఏర్పడుతుంది. దాని నుంచి అతడు ఎలా తప్పించుకుంటాడన్న ఉత్కంఠ ప్రేక్షకుడిలో కలుగుతుంది. ఆ క్రమంలో వచ్చే సన్నివేశాలను తీర్చిదిద్దిన విధానం బాగుంది. మరోవైపు అరుణ్ను చంపేందుకు బాబీ ప్రయత్నించడం, దాని నుంచి అతడు తప్పించుకోవడం తదితర సన్నివేశాలు ఆసక్తిగా సాగుతాయి. ఆ తర్వాత అరుణ్ గోవా వదలి వెళ్లిపోదామనుకుంటాడు. అక్కడి నుంచే కథనం కాస్త నెమ్మదిస్తుంది. అరుణ్, సిమ్రన్ల మధ్య వచ్చే సన్నివేశాలు కొంచెం నెమ్మదిగా సాగుతాయి. మళ్లీ పతాక సన్నివేశాల సమయానికి కథనంలో వేగం పుంజుకుంటుంది. చివరిలో ఊహించని ట్విస్ట్ ఇచ్చాడు దర్శకుడు. అదేంటనేది తెరపై చూడాలి. తెలుగు నేటివిటీకి అనుగుణంగా ‘అంధాదున్’ తీర్చిదిదిన విధానం బాగుంది. నవ్వులు పంచుతూనే ఉత్కంఠ కలిగించే ట్విస్ట్లు అలరిస్తాయి. మీరు కనుక ‘అంధాదున్’ చూడకపోతే ఈ వీకెండ్లో ఓ మంచి థ్రిల్లింగ్ మూవీ చూసిన ఫీలింగ్ ‘మాస్ట్రో’ తప్పకుండా ఇస్తుంది.
ఎవరెలా చేశారంటే: బాలీవుడ్ ‘అంధాదున్’లో ఆయుష్మాన్ ఖురానా అంధుడి పాత్రలో నటించి విమర్శకుల ప్రశంసలు అందుకోవడంతో పాటు, నటుడిగా జాతీయ అవార్డును సొంతం చేసుకున్నారు. అదే పాత్రను నితిన్ తెలుగులో చక్కగా చేశారు. ఆయుష్మాన్కు సమానంగా అంధుడి పాత్రలో నటించి మెప్పించే ప్రయత్నం చేశారు. ప్రథమార్ధమంతా సరదా సన్నివేశాలతో అంధుడిగా అలరించిన నితిన్, ద్వితీయార్ధానికి వచ్చే సరికి భావోద్వేగాలపరంగా చక్కటి హావభావాలు పలికించాడు. అరుణ్ పాత్రకు 100శాతం న్యాయం చేశాడు. నితిన్కు ‘మాస్ట్రో’ ఓ విభిన్న చిత్రంగా నిలిచిపోతుంది. ఇక ఈ సినిమాలో చెప్పుకోవాల్సింది సిమ్రన్ పాత్ర పోషించిన తమన్నా గురించి. హిందీలో టబు ఈ రోల్ చేశారు. తెలుగులో తమన్నా కూడా చక్కగా నటించింది. రెండు భిన్న పార్శ్వాలను చూపించే ఆ పాత్రలో ఆమె ఒదిగిపోయింది. ఎమోషనల్ సన్నివేశాల్లో తనదైన నటన కనబరిచింది. ఇక జిషు సేన్ గుప్త, నభా నటేశ్, శ్రీముఖి, రచ్చ రవి, మంగ్లీ, అనన్య నాగళ్ల, హర్ష వర్దన్ తమ పాత్రలకు న్యాయం చేశారు. జిషు సేన్గుప్త పాత్రను ఇంకాస్త ఎస్టాబ్లిష్ చేయాల్సింది.
సాంకేతికంగా సినిమా చాలా బాగుంది. అన్ని విభాగాలు చక్కని పనీతీరు కనబరిచాయి. మహతి స్వర సాగర్ పాటలు పెద్దగా గుర్తుండవు కానీ, నేపథ్య సంగీతం బాగుంది. ప్రేక్షకుడిని సినిమాలో లీనం చేసింది. యువరాజ్ సినిమాటోగ్రఫీ కూడా చక్కగా కుదిరింది. ప్రతి ఫ్రేమ్ కలర్ఫుల్గా ఉంది. అయితే, కరోనా నేపథ్యంలో అతి తక్కువ లొకేషన్లలోనే సినిమా పూర్తి చేశారు. ఎస్.ఆర్.శేఖర్ ఎడిటింగ్ పర్వాలేదు. దర్శకుడు మేర్లపాక గాంధీ ‘అంధాదున్’ను ‘మాస్ట్రో’గా మలిచిన తీరు బాగుంది. మాతృకలో పెద్దగా మార్పుల జోలికి పోలేదు. అలా చేసి ఉంటే అసలు కథ దెబ్బ తినేది. నటీనటుల నుంచి కూడా గాంధీ చక్కని నటన రాబట్టుకున్నారు. నిర్మాణ విలువలు బాగున్నాయి. కరోనా పరిస్థితులను దృష్టిలో పెట్టుకుని ఓటీటీలో విడుదల చేశారు. కానీ, థియేటర్లో రిలీజ్ చేసి ఉంటే తప్పకుండా అలరించేదేమో!
బలాలు
+ నితిన్, తమన్నా
+ ప్రథమార్ధం,ట్విస్ట్లు
+ సాంకేతిక విభాగం పనితీరు
బలహీనతలు
- ద్వితీయార్ధంలో కొన్ని సన్నివేశాలు
చివరిగా: ‘అంధాదున్’ పర్ఫెక్ట్ రీమేక్ ‘మాస్ట్రో’.. థియేటర్ మూవీ!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విజయ్ ‘ఫ్యామిలీ స్టార్’ ఓటీటీలోకి వచ్చేసింది.. స్ట్రీమింగ్ ఎక్కడంటే?
విజయ్ దేవరకొండ, మృణాల్ ఠాకూర్ జంటగా నటించిన చిత్రం ‘ఫ్యామిలీ స్టార్’ ఓటీటీలో స్ట్రీమింగ్ అవుతోంది. -
పాటల హంగామా..
ఈ వేసవిలో అగ్ర తారల సినిమాల జోరు కనిపించలేదు. మే నుంచైనా హడావుడి మొదలవుతుందేమో అనుకుంటే, ఇంకాస్త ఆలస్యం అనే సంకేతాలు వస్తున్నాయి. ‘పుష్ప2’ మినహా మరే సినిమా విడుదల తేదీని ఖరారు చేయలేదు. -
అజిత్ సరసన శ్రీలీల?
అగ్ర కథానాయకులతో వరుసగా జట్టు కడుతున్న శ్రీలీల.. ఈసారి తమిళ టాప్ హీరో అజిత్తో ఆడిపాడటానికి సిద్ధమవుతోంది. ‘గుడ్ బ్యాడ్ అగ్లీ’ అనే చిత్రంలో ఆయన సరసన నటించనుందని సమాచారం. -
ప్రభాస్తో కియారా?
‘సలార్ 2’ని పట్టాలెక్కించేందుకు రంగం సిద్ధమవుతోంది. జూన్లో లేదా జులైలో ప్రభాస్ రంగంలోకి దిగనున్నట్టు తెలుస్తోంది. ఈ దశలోనే ఈ సినిమాకి సంబంధించిన పలు ఆసక్తికరమైన విషయాలు వినిపిస్తున్నాయి. -
ముంబయిలో కుబేర
ధనుష్, నాగార్జున అక్కినేని ప్రధాన పాత్రధారులుగా తెరకెక్కుతున్న చిత్రం ‘కుబేర’. రష్మిక కథానాయిక. శేఖర్ కమ్ముల దర్శకత్వం వహిస్తున్నారు. అమిగోస్ క్రియేషన్స్ సంస్థతో కలిసి శ్రీ వెంకటేశ్వర సినిమాస్ పతాకంపై సునీల్ నారంగ్, పుస్కూర్ రామ్మోహన్రావు నిర్మిస్తున్నారు. -
ఇళయరాజా కేసులో ట్విస్ట్
పాటలకు గీత రచయిత కూడా హక్కు కోరితే ఏమవుతుందని సంగీత దర్శకుడు ఇళయరాజా వ్యవహారంలో మద్రాసు హైకోర్టు ప్రశ్నించింది. కాపీరైట్ గడవు ముగిసినా, తన పాటలను ఇంకా వాడుకుంటున్నారంటూ ఎకో, ఏఐజీ మ్యూజిక్ కంపెనీలపై సంగీత దర్శకుడు ఇళయరాజా దాఖలు చేసిన పిటిషన్పై విచారణ సందర్భంగా న్యాయస్థానం ఈ వ్యాఖ్యలు చేసింది. -
హాయైన వినోదంతో ‘ఏం చేస్తున్నావ్’
కథాబలం ఉన్న సినిమాలతో ఈటీవీ విన్ ప్రేక్షకులకు పసందైన వినోదాన్ని పంచుతోంది. ‘చి90×(’ మొదలుకొని వినూత్నమైన సినిమాలు వరుసగా ఈ వేదికలో సందడి చేస్తున్నాయి. తాజాగా ఆ జాబితాలోకి ‘ఏం చేస్తున్నావ్’ చేరింది. -
పెళ్లి సమస్యని వినోదాత్మకంగా చూపించాం
‘‘వినోదం, ప్రేమ, కుటుంబ భావోద్వేగాలు.. ఇలా అన్నీ ఉన్న చిత్రం ‘ఆ.. ఒక్కటీ అడక్కు’. తప్పకుండా ఇది అందరికీ కనెక్ట్ అయ్యేలా ఉంటుంద’’న్నారు నిర్మాత రాజీవ్ చిలక. ఆయన నిర్మాణంలో అల్లరి నరేశ్ హీరోగా మల్లి అంకం తెరకెక్కించిన చిత్రమే ‘ఆ.. ఒక్కటీ అడక్కు’. -
ముగిసిన కీర్తి తొలి హిందీ చిత్రం
ఆచితూచి కథల్ని ఎంచుకుంటూ.. అన్ని భాషా చిత్రాల్లోని సినీప్రియుల్ని మెప్పిస్తోంది కథానాయిక కీర్తి సురేశ్. దక్షిణాదిలో ఇప్పటికే తానేంటో నిరూపించుకున్న ఈ భామ.. ‘బేబీ జాన్’తో బాలీవుడ్లోనూ అడుగు పెట్టింది. -
తారల మెరుపులు షురూ
అగ్ర కథానాయకుడు ఆమిర్ఖాన్ ‘లాల్సింగ్ చద్ధా’ పరాజయం తర్వాత అభిమానులు, పరిశ్రమవర్గాల చూపంతా ‘సితారే జమీన్ పర్’పైనే ఉంది. దీన్ని ఆర్.ఎస్.ప్రసన్న తెరకెక్కిస్తున్నారు. -
ఇన్నాళ్లకు కల నెరవేరింది
‘విలన్ పాత్రలు చేయాలని ఎప్పట్నుంచో నా కోరిక. మా నాన్న శత్రుఘ్నసిన్హా కెరీర్ తొలినాళ్లలో ప్రతినాయకుడిగానే మెప్పించారు. ఇన్నాళ్లకు ‘హీరామండి: ది డైమండ్ బజార్’తో నా కల నెరవేరింది. -
స్పై యాక్షన్ కామెడీతో...
గతేడాది ‘డ్రీమ్గర్ల్ 2’తో మంచి విజయాన్ని అందుకున్న బాలీవుడ్ కథానాయకుడు ఆయుష్మాన్ ఖురానా.. ఇప్పుడో సరికొత్త సినిమాతో ప్రేక్షకుల ముందుకు రావడానికి సిద్ధమవుతున్నాడు. తాజాగా ఆయన కరణ్ జోహార్ నిర్మిస్తున్న ఓ స్పై కామెడీ చిత్రంలో నటిస్తున్నట్లు సమాచారం. -
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
అక్షయ్కుమార్, పంకజ్ త్రిపాఠి కీలక పాత్రల్లో నటించిన ‘ఓఎంజీ2’ తెలుగు వెర్షన్ ఇప్పుడు స్ట్రీమింగ్కు తీసుకొచ్చింది జియో సినిమా. -
‘హీరామండీ’తో నా కల నెరవేరింది: సోనాక్షి సిన్హా
తాను నటించిన ‘హీరామండీ’ వెబ్సిరీస్ త్వరలో విడుదల కానున్న నేపథ్యంలో సోనాక్షి ఇంటర్వ్యూలతో బిజీగా ఉన్నారు.
తాజా వార్తలు (Latest News)
-
ఆర్టీసీ ప్రయాణికుల వద్దకే శ్రీ సత్యసాయి తాగునీరు
-
లాభాల్లో స్టాక్ మార్కెట్ సూచీలు.. సెన్సెక్స్ @ 74,434
-
ప్రతి మ్యాచ్లో అది పనిచేయదు, అయినా..: కమిన్స్
-
ఈనాడు.నెట్లో టాప్ 10 వార్తలు @ 9 AM
-
స్వతంత్ర అభ్యర్థి విడదల రజని కిడ్నాప్ వ్యవహారంపై దుమారం
-
మంత్రిగారి నగదు ‘బదిలీ’లకు కోడ్ ఉన్నా ఆమోదం