HABEEB: సత్యదేవ్‌లోని నటుడికి ఇదొక నిదర్శనం..!

హైదరాబాద్‌: సత్యదేవ్‌ కథానాయకుడిగా ‘హబీబ్‌’ పేరుతో పవర్‌ఫుల్‌, ఎమోషనల్‌ ఫీచర్‌ చిత్రం తెరకెక్కుతోంది. ఓ ఇండియన్‌ ఆర్మీ అధికారి కనపడకుండాపోయిన తన కొడుకు గౌతమ్‌ని వెతుక్కుంటూ అఫ్గానిస్థాన్‌ చేరుకోవడం.. తన కొడుకుతోపాటు బానిస బతుకులు వెళ్లదీస్తున్న ఎంతోమందికి స్వేచ్ఛనందిచడం.. వంటి భావోద్వేగపూరితమైన కథాంశంతో ‘హబీబ్‌’ రూపుదిద్దుకుంటోంది. ప్రస్తుతం చిత్రీకరణ దశలో ఉన్న ఈ సినిమా నుంచి స్వాతంత్ర్య దినోత్సవాన్ని పురస్కరించుకుని ఓ సరికొత్త పాట విడుదలైంది. ఇందులో సత్యదేవ్‌ నటన ప్రతి ఒక్కరి హృదయాలను హత్తుకునేలా ఉంది. జెన్నీఫర్‌ దర్శకత్వం వహిస్తున్న ఈ చిత్రానికి జయ ఫణికృష్ణ స్వరాలు అందిస్తున్నారు.