cinema news: తండ్రీ కొడుకుల అనుబంధాలకు ‘పోస్టర్‌’

విజయ్‌ ధరన్‌, రాశి సింగ్‌, అక్షత సోనావానే నాయకానాయికలుగా నటించిన చిత్రం ‘పోస్టర్‌’. టి.మహిపాల్‌ రెడ్డి దర్శకుడు. టి.శేఖర్‌ రెడ్డి,   ఎ.గంగారెడ్డి సంయుక్తంగా నిర్మించారు. కాశీ విశ్వనాథ్‌ కీలక పాత్ర పోషించారు. ఈ సినిమా ఈనెల 19న విడుదల కానుంది. ఈ నేపథ్యంలోనే మంగళవారం హైదరాబాద్‌లో విడుదల ముందస్తు వేడుక నిర్వహించారు. ఈ సందర్భంగా ముఖ్య అతిథిగా విచ్చేసిన ఆకాష్‌ పూరి మాట్లాడుతూ.. ‘‘టైటిల్‌ చాలా బాగుంది. ట్రైలర్‌, పాటలు చూశాక సినిమా చూడాలన్న ఆసక్తి పెరిగింది. సంగీతం, విజువల్స్‌ ఫ్రెష్‌గా ఉన్నాయి. ఈ చిత్రం విజయం సాధించాలని కోరుకుంటున్నా’’ అన్నారు. ‘‘వాస్తవానికి దగ్గరగా ఉన్న కథతో ఈ సినిమా రూపొందించాం.  ఇంత మంచి కథ నాకు దొరకడం నా అదృష్టంగా భావిస్తున్నా’’ అన్నారు హీరో విజయ్‌ ధరన్‌. దర్శకుడు మాట్లాడుతూ.. ‘‘ప్రతి తండ్రీ తన కొడుకు గురించి ఎంత తపన పడతాడో తెలిపే కథ ఇది. ఇందులో ఓ అందమైన ప్రేమకథా ఉంది’’ అన్నారు. ఈ కార్యక్రమంలో శాండీ, టి.శేఖర్‌, నివాస్‌ తదితరులు పాల్గొన్నారు.