Pawan Kalyan: సన్నాహాలు షురూ

పవన్‌ కల్యాణ్‌ (pawan kalyan) సినిమాలు ఇప్పటికే రెండు సెట్స్‌పై ఉన్నాయి. కొత్తగా మరో రెండు కొన్ని రోజుల కిందటే లాంఛనంగా ప్రారంభమయ్యాయి. వాటిలో ఒకటైన ‘ఉస్తాద్‌ భగత్‌సింగ్‌’ (Ustaad Bhagat Singh) చిత్రీకరణ త్వరలోనే మొదలు కానుంది. అందుకోసం సన్నాహాలు శరవేగంగా సాగుతున్నాయి. హరీష్‌శంకర్‌ దర్శకత్వంలో మైత్రీ మూవీ మేకర్స్‌ నిర్మిస్తున్న చిత్రమిది. ఏప్రిల్‌ తొలి వారంలో చిత్రీకరణని ప్రారంభించనున్నారు. ఆ మేరకు ఏర్పాట్లు కొనసాగుతున్నాయి. అందుకోసం ఇప్పటికే ప్రొడక్షన్‌ డిజైనర్‌ ఆనంద్‌సాయి నేతృత్వంలో సెట్‌ని తీర్చిదిద్దుతున్నారు. విజయవంతమైన ‘గబ్బర్‌సింగ్‌’ తర్వాత పవన్‌కల్యాణ్‌ - హరీష్‌శంకర్‌ దర్శకత్వంలో రూపొందుతున్న చిత్రమిది. దేవిశ్రీప్రసాద్‌ స్వరాలు సమకూరుస్తున్నారు.