Vishwak Sen: ‘పాగల్‌’ కాంబో మరోసారి.. కొత్త చిత్రం టైటిల్‌ ఇదే!

ఇంటర్నెట్‌ డెస్క్: విశ్వక్‌ సేన్‌, నివేదా పేతురాజ్‌ జంటగా దర్శకుడు నరేశ్‌ కుప్పిలి తెరకెక్కించిన చిత్రం ‘పాగల్‌’. గతేడాది విడుదలైన ఈ విభిన్న ప్రేమకథా చిత్రం యువతను ఆకట్టుకుంది. ఇప్పుడు ఇదే కాంబినేషన్‌లో ఓ యాక్షన్ సినిమా రూపొందుతోంది. ఈ చిత్రానికి ‘దాస్‌ కా ధమ్కీ’ అనే టైటిల్‌ ఖరారైంది. ఈ సినిమా బుధవారం పూజా కార్యక్రమాలతో లాంఛనంగా ప్రారంభమైంది. ప్రముఖ నిర్మాత అల్లు అరవింద్‌, దర్శకుడు అనిల్‌ రావిపూడి తదితరులు ముఖ్య అతిథులుగా హాజరయ్యారు. ముహూర్తపు సన్నివేశానికి అరవింద్‌ క్లాప్‌కొట్టగా అనిల్‌ రావిపూడి కెమెరా స్విచ్ఛాన్‌ చేశారు. ఈ ప్రాజెక్టుకు సంబంధించిన మరిన్ని వివరాలు త్వరలోనే తెలియనున్నాయి. విశ్వక్‌ ప్రస్తుతం.. ‘అశోక వనంలో అర్జున కల్యాణం’, ‘ఓరి దేవుడా’ చిత్రాలతో బిజీగా ఉన్నారు.