Bharat Jodo Yatra: జోడో యాత్ర సాగిన చోట జయభేరి

20లో 15 చోట్ల గెలిచాం: కాంగ్రెస్‌

దిల్లీ: కర్ణాటకలో రాహుల్‌ గాంధీ భారత్‌ జోడో యాత్ర సాగిన ప్రాంతాల్లో ఘన విజయం సాధించామని కాంగ్రెస్‌ పార్టీ వెల్లడించింది. 15 నియోజకవర్గాల్లో పార్టీ గెలిచిందని పేర్కొంది. ‘భారత్‌ జోడో యాత్ర 20 నియోజకవర్గాల్లో సాగింది. అందులో 15 చోట్ల గెలిచాం. మూడు చోట్ల జేడీఎస్‌, రెండు చోట్ల భాజపా గెలిచాయి. 2018లో ఈ 20 నియోజకవర్గాల్లో 5 చోట్లే గెలిచాం. అప్పట్లో భాజపా 9చోట్ల, జేడీఎస్‌ 6చోట్ల గెలిచాయి. అంటే నేరుగా యాత్ర ప్రభావం చూపినట్లే’ అని కాంగ్రెస్‌ ప్రధాన కార్యదర్శి జైరాం రమేశ్‌ ట్వీట్‌ చేశారు. కర్ణాటకలో రాహుల్‌ గాంధీ 22 రోజులపాటు 500 కిలోమీటర్ల పాదయాత్ర చేశారు. ఆ సమయంలో ఆయనకు భారీ మద్దతు లభించింది.