Palnadu: పల్నాడు ఎస్పీపై ఎన్నికల సంఘానికి తెదేపా ఫిర్యాదు

అమరావతి: పల్నాడు జిల్లా ఎస్పీపై తెదేపా ఎన్నికల సంఘానికి ఫిర్యాదు చేసింది. తెదేపా నేతలు, కార్యకర్తలపై తప్పుడు కేసులు నమోదు చేస్తున్నారని నరసరావు పేట పార్టీ ఇన్‌ఛార్జి అరవింద బాబు ఈసీకి ఫిర్యాదు చేశారు. అధికార పార్టీ నేతలకు పల్నాడు ఎస్పీ మద్దతుగా ఉంటున్నారని ఆరోపించారు. ఎస్పీ వైఖరితో పల్నాడు జిల్లాలోని చాలా పోలింగ్ స్టేషన్లల్లో రిగ్గింగ్ జరిగే అవకాశముందని ఆందోళన వ్యక్తం చేశారు. నరసరావు పేట ఎమ్మెల్యే, స్థానిక ఎన్నికల సిబ్బందిపైనా ఈసీకి ఫిర్యాదు చేశారు. ఎమ్మెల్యే గోపిరెడ్డి సూచనల మేరకు ఏకపక్షంగా పోలింగ్ స్టేషన్ల మార్పలు జరుగుతున్నాయని ఫిర్యాదులో పేర్కొన్నారు.