CSK vs MI: చెన్నై ఆల్‌రౌండ్‌ ప్రదర్శన.. ముంబయిపై విజయం

చెన్నై: చెన్నై సూపర్‌ కింగ్స్‌ (Chennai Super Kings) మళ్లీ విజయాల బాట పట్టింది. అటు బౌలింగ్‌, ఇటు బ్యాటింగ్‌లో సమష్టిగా రాణించి ముంబయి ఇండియన్స్‌(Mumbai Indians)పై విజయం సాధించింది. సొంత మైదానంలో జరిగిన ఈ మ్యాచ్‌లో 6 వికెట్ల తేడాతో ఘన విజయం సాధించింది. తొలుత చెన్నై బౌలర్లు అదరగొట్టడంతో ముంబయి 139/8కే పరిమితమైంది. ఈ స్వల్ప లక్ష్యాన్ని చెన్నై 17.4 ఓవర్లలో 4 వికెట్లు కోల్పోయి ఛేదించింది. డేవాన్‌ కాన్వే (44; 42 బంతుల్లో 4 ఫోర్లు), రుతురాజ్‌ గైక్వాడ్ (30; 16 బంతుల్లో 4 ఫోర్లు, 2 సిక్స్‌లు) రాణించారు. అజింక్య రహానె (21), అంబటి రాయుడు (12) పరుగులు చేశారు. శివమ్ దూబె (25; 17 బంతుల్లో 3 సిక్స్‌లు) ధోని (2; 3 బంతులు )నాటౌట్‌గా నిలిచాడు. ముంబయి బౌలర్లలో పీయూష్‌ చావ్లా రెండు, ట్రిస్టన్‌ స్టబ్స్‌, ఆకాష్‌ మద్వాల్‌ చెరో వికెట్ పడగొట్టారు.

అంతకు ముందు టాస్ ఓడి తొలుత బ్యాటింగ్‌ చేసిన ముంబయి బ్యాటర్లలో నేహల్ వధేరా (64; 51 బంతుల్లో 8 ఫోర్లు, 1 సిక్స్‌) అర్ధ శతకంతో రాణించాడు. సూర్యకుమార్‌ యాదవ్ (26), ట్రిస్టన్ స్టబ్స్‌ (20) పరుగులు చేశారు. కామెరూన్‌ గ్రీన్‌ (6), ఇషాన్‌ కిషన్ (7), రోహిత్‌ శర్మ (0) విఫలమవడంతో ముంబయి 14 పరుగులకే 3 వికెట్లు కష్టాల్లో పడింది. తర్వాత క్రీజులోకి వచ్చిన నేహల్ వధేరా, సూర్యకుమార్‌ యాదవ్‌ నిలకడగా ఆడి ఇన్నింగ్స్‌ను గాడిలో పెట్టారు. చివర్లో మెరుపులు మెరిపిస్తాడనుకున్న టిమ్ డేవిడ్ (2) సింగిల్ డిజిట్‌ స్కోరుకే పరిమితమయ్యాడు. చెన్నై బౌలర్లలో పతిరాణా (3/15), దీపక్‌ చాహర్‌ (2/18) ఆకట్టుకున్నారు. తుషార్‌ దేశ్‌పాండే 2, జడేజా ఒక వికెట్ పడగొట్టారు.

ఓవర్‌ టు ఓవర్‌ మ్యాచ్‌ అప్‌డేట్స్‌ కోసం క్లిక్‌చేయండి