టీ20 సిరీస్‌కు చాహర్‌ అనుమానం

దిల్లీ: దక్షిణాఫ్రికాతో టీ20 సిరీస్‌లో భారత పేసర్‌ దీపక్‌ చాహర్‌ పాల్గొనడం అనుమానమే. తన తండ్రి ఆరోగ్య అత్యవసర స్థితి కారణంగా ఆస్ట్రేలియాతో అయిదో టీ20 మ్యాచ్‌ నుంచి అర్ధంతరంగా తప్పుకున్న చాహర్‌.. ఇప్పటి వరకు దక్షిణాఫ్రికాకు చేరుకోలేదు. ప్రస్తుతం భారత్‌లోనే ఉన్న చాహర్‌ మిగతా రెండు మ్యాచ్‌లకు దూరమైనట్లేనని బీసీసీఐ వర్గాలు తెలిపాయి. ‘‘కుటుంబ సభ్యుడి అనారోగ్యం కారణంగా చాహర్‌  ఇంకా డర్బన్‌ చేరుకోలేదు. ఇందుకు అతను అనుమతి తీసుకున్నాడు’’ అని బీసీసీఐ అధికారి చెప్పాడు. ఈనెల 12, 14 తేదీల్లో తర్వాతి రెండు మ్యాచ్‌లు జరుగుతాయి.