శ్రీజకు కెరీర్‌ ఉత్తమ ర్యాంకు

దిల్లీ: భారత యువ టేబుల్‌ టెన్నిస్‌ స్టార్‌ ఆకుల శ్రీజ కెరీర్‌లో ఉత్తమ ర్యాంకు సాధించింది. తాజా ప్రపంచ టీటీ ర్యాంకింగ్స్‌ మహిళల సింగిల్స్‌లో ఈ   తెలుగమ్మాయి 40వ ర్యాంకులో నిలిచింది. డబ్ల్యూటీటీ ఫీడర్‌ సిరీస్‌లో మెరుగైన ప్రదర్శనతో టైటిల్‌ గెలిచిన  శ్రీజ.. ఏడు ర్యాంకులు మెరుగుపరుచుకుంది. మనిక బత్రా 38... అర్చన కామత్‌ 99వ స్థానాలు దక్కించుకున్నారు. మరోవైపు బీరుట్‌ ఓపెన్‌ టైటిల్‌ నెగ్గిన సత్యన్‌.. పురుషుల సింగిల్స్‌లో ఏకంగా 43 స్థానాలు ఎగబాకి 60వ ర్యాంకులో నిలిచాడు. వెటరన్‌ ఆటగాడు శరత్‌ కమల్‌ ఒక స్థానం కోల్పోయి 35వ ర్యాంకులో నిలవగా.. మానవ్‌ థక్కర్‌ 63, హర్మీత్‌దేశాయ్‌ 67 ర్యాంకులు దక్కించుకున్నారు.